Teknologji të reja për përmirësimin e dezinfektimit të kanalit radikolar

Anna Maria Melica

Patologjitë endodontike, qofshin të pulpës së dhëmbit qofshin periradikolare, janë për shkak të pranisë së mikroorganizmave. Objektivi kryesor i terapisë endodontike është ai që të optimizojë dezinfektimin e kanalit radikolar, duke penguar kolonizimin ose rikolonizimin bakterial gjatë dhe pas trajtimit.
Nëpërmjet një analize kritike të literaturës më të fundit janë vlerësuar rezultatet e arritura dhe mundësia për t'i integruar në praktikën klinike të përditshme. Mjetet mekanike mund të reduktojnë numrin e mikroorganizmave të pranishëm në brendësi të sistemit të kanaleve të rrënjës, por nuk mund të sigurojnë një pastrim të plotë. Solucionet e tretshme pa një përgatitje mekanike nuk janë në gjendje të reduktojnë në mënyrë të konsiderueshme infeksionin bakterial brenda kanalit të rrënjës. Aktualisht kërkimi po orientohet drejt studimit të sistemeve të përshtatshme për të përmirësuar dezinfektimin e kanaleve të rrënjëve nëpërmjet aktivizimit mekanik të agjentëve endodontik që përdoren për lagien.

Ekzistojnë teknika të ndryshme të çrregullimit mekanik: manuale me kone gutaperka, mjete endodontike ose furça të posaçme, sisteme me dridhje që bashkojnë fazat e përgatitjes me atë të lagies, sisteme të aktivizuara me shpejtësi të ulët të dorezës së frezës ose të aktivizuar nga doreza sonike apo subsonike. Edhe laseri përdoret si agjent antibakterial i drejtpërdrejtë ose i ideuar për të gjeneruar valë që janë në gjendje të aktivizojnë në mënyrë mekanike agjentët që lagin.

Janë përshkruar edhe sistemet e lagies me presion apikal negativ që kanë një veprim sinergjik dhe plotësues për aktivizimin ultrasonik dhe ato sisteme që propozohen për të përmirësuar dekontaminimin bakterial endokanalar nëpërmjet përdorimit të substancave kimike, si për shembull ozoni ose e ashtuquajtura teknika e dezinfektimit të aktivizuar nga drita.

Rritja e përgatitjes apikale dhe një regjim më efikas i lagies anti-mikrobiale dhe të sistemeve të shpërndarjes dhe të aktivizimit të sistemeve të lagies mund të përmirësojnë dhe ta bëjnë më të parashikueshme reduktimin e ngarkesës bakteriale brenda kanalit kur reagojnë në kompleksitetet anatomike të kanalit të rrënjës. Aktivizimi ultrasonik i solucioneve të lagies, në veçanti hipokloriti natriumit, paraqet standardin e artë me të cilin janë krahasuar të gjithë sistemet e çrregullimit mekanik.

Përktheu: Valbona Spahia