Suksesi klinik i rehabilitimeve protetike fikse me tre elemente në zirkon me follow up për 14 vite

Nga Lara Figini

Zirkoni (ZrO2) është një qeramikë polikristaline me rezistencë të lartë dhe është konsideruar një material i përshtatshëm për kurorat teke (SC) dhe protezat dentare fikse me më shumë elemente (FDP), si edhe toleron ngarkesat okluzale më të mëdha në krahasim me qeramikat konvencionale dhe përmbush kërkesat e mëdha estetike të pacientëve.
Hetime të fundit klinike kanë sugjeruar potencialitetin e favorshëm të FDP në bazë të zirkonit për regjionet posteriore, duke treguar një normë mbijetese kumulative me 85% pas 10 vitesh funksionimi, edhe pse nuk mund të mohohet një shkallë e lartë e komplikacioneve teknike afatgjata, veçanërisht krisjet.

Tipologjia e kërkimit dhe modaliteti analizës
Në një studim perspektiv italian, të publikuar në Journal of Dentistry në tetor 2020, autorët kanë vlerësuar performancën klinike, pas 14 vitesh, të protezave fikse dentare (FDP) me tre elemente zirkon.
Në 37 pacientë, që kishin nevojë për të zëvendësuar premolarët ose molarët, janë fabrikuar dhe cementuar 48 FDP (Procera Zirconia, Nobel Biocare AB). Pacientët janë thërritur dhe kontrolluar pas 6 dhe 12 muajsh e më pas çdo vit për një periudhë follow up-i 14 vjeçare.
Dy kurba mbijetese të pavarura për pacientët që mbanin 1 ose 2 FDP janë llogaritur nëpërmjet Kaplan-Meier dhe për të krahasuar këto kurba është kryer një test log-rank.
Kriteret e shëndetësisë publike të Shteteve të Bashkuara janë përdorur për të ekzaminuar rezultatet teknike dhe estetike. Ekzaminimi biologjik parashikonte vlerësimin e pllakës, thellësisë së xhepit, nivelit të sulmit dhe gjakrrjedhjen gjatë sondimit te të dy monkonët, që mbajnë FDP me 3 elemente apo te dhëmbët kundër lateralë. Të dhënat janë vlerësuar nëpërmjet testit të Wilcoxon (p <0,05), duke krahasuar të dhënat e marra në kohën 0 dhe pas 14 vitesh.

Rezultate
Statistikat përshkruese kanë sjellë norma mbijetese kumulative me 91% dhe 99% për pacientët që mbanin 1 dhe 2 FDP, respektivisht.
Nuk janë gjetur diferenca të konsiderueshme në parametrat periodontalë ndërmjet grupit të kontrollit (rehabilitimet tradicionale) dhe grupit të testit eksperimental.
Janë regjistruar rezultate suksesi qoftë funksionale qoftë estetike për FDP për një periudhë follow up -i 14 vjeçare.

Konkluzione
Nga të dhënat e nxjerra nga ky studim perspektiv, që duhet të konfirmohen me punime të tjera analoge, mund të dalim në përfundimin që:
- krisjet e qeramikës veshëse janë komplikacioni më i shpeshtë që është regjistruar për FDP posteriore në zirkon;
- në mungesë të ngarkesave okluzale parafunksionale, FDP në zirkon me 3 elemente tregojnë një funksionalitet të parashikueshëm;
- FDP në zirkon me 3 elemente tregojnë një integritet të shkëlqyer marginal dhe rezistencë mekanike ndaj frakturës;
- zirkoni zotëron një biokompaktibilitet të shkëlqyer të demonstruar nga përgjigjja e shkëlqyer e indeve të buta përreth;
- përsa i përket rezultateve qoftë funksionale qoftë estetike, pacientët kanë treguar një kënaqësi të madhe edhe për një kohë të gjatë.

Implikime klinike
Studime të fundit të randomizuara të kontrolluara me ura në zirkon me më shumë se 3 elemente dhe periudha observimi më të gjata do të jenë të nevojshme për të vlerësuar funksionalitetin dhe parashikueshmërinë afatgjatë të këtyre lloj rehabilitimesh protetike.

Për më shumë informacion:
Zarone F, Di Mauro MI, Spagnuolo G, Gherlone E, Sorrentino R. Fourteen-year evaluation of posterior zirconia-based three-unit fixed dental prostheses A prospective clinical study of all ceramic prosthesis. J Dentistry 2020;101:103419.

Përktheu: Valbona Spahia