Reduktimi okluzal dhe dhimbja post-endodontike

Nga Lara Figini

Dhimbja endodontike post-traumatike është një komplikacion i zakonshëm pas një trajtimi kanalar dhe ka një incidencë që përfshin nga 3 deri në 80%, maksimumi brenda 24 orëve të para.
Menaxhimi i saj përfshin përdorimin e anestetikëve me solucione me veprim afatgjatë, barna anti-inflamatore steroide dhe jo steroide, krioterapi, mjekim intrakanalar, terapi me laser dhe reduktimin okluzal (Nguyen et al., 2019, Shamszadeh et al., 2019).

Tipologjia e kërkimit dhe modaliteti i analizës
Në një studim të randomizuar të kontrolluar, të publikuar në International Endodontic Journal në shtator 2020, autorët kanë vlerësuar efektin e reduktimit okluzal në dhimbjen pas vizitës së parë (post-instrumentim) dhe pas vizitës së dytë (post-mbushje) në një trajtim endodontik të kryer në dy vizita, te dhëmbët posteriorë mandibularë me pulpit simptomatik irreversibël dhe ndjeshmëri ndaj goditjeve.
308 pacientë janë ndarë në mënyrë rastësore në njërin prej grupeve (n = 154) të studimit ku është kryer ose jo reduktimi okluzal. Për të gjithë pacientët trajtimi kanalar është kryer në dy vizita pa përdorur mjekimet intrakanalare.
Pacientët kanë vlerësuar dhimbjen e tyre duke përdorur vlerën numerike nga 0 deri në 10 të shkallës së vlerësimit (NRS) 6, 12, 24 dhe 48 orë pas vizitës së parë (post-instrumentim) dhe 6 apo 12 orë pas mbushjes së kanalit (post-mbushje).
Është regjistruar edhe marrja e barnave (placebo ose analgjezikë) pas instrumentimit dhe pas mbushjes nga ana e pacientëve. Pacientëve fillimisht i është dhënë një bar kundra dhimbjes i rremë (placebo), por nëse dhimbja vazhdonte i është dhënë një bar i vërtetë kundër dhimbjes.
Të dhënat janë analizuar duke përdorur testin U-test të Mann-Whitney të Friedman, testin e gradave të Wilcoxon dhe Chi-square (v2) test.

Rezultate
Reduktimi okluzal lidhet me një intensitet të dhimbjes më të vogël në krahasim me asnjë reduktim okluzal për 12 apo 24 orë pas instrumentimit (P <0,05).
Risku relativ (RR) i dhimbjes nga i moderuar në të rëndë ka qenë me 0,61 (IC 95%: 0,41, 0,91) 12 orë pas instrumentimit dhe RR e incidencës së dhimbjes, pavarësisht nga niveli i saj, ka qenë me 0,75 (95% CI: 0,61, 0,92) 24 orë pas instrumentimit.
Nuk është regjistruar ndonjë diferencë e konsiderueshme në marrjen e barnave (placebo apo analgjezikë) ndërmjet dy grupeve (P >0,05).

Konkluzione
Nga të dhënat e këtij studimi, që duhet të konfirmohen me punime të tjera analoge, mund të dalim në përfundimin se reduktimi okluzal është efikas në reduktimin e intensitetit të dhimbjes post-operative 12 dhe 24 orë pas instrumentimit kanalar, në vizitën e parë te pacientët me pulpit simptomatik irreversibël dhe me ndjeshmëri ndaj goditjeve.

Implikime klinike
Për të reduktuar intensitetin e dhimbjes pas vizitave endodontike, stomatologu mund të kalojë në reduktimin okluzal të dhëmbit në fjalë. Reduktimi okluzal mund të ulë riskun e dhimbjes së moderuar apo të rëndë me rreth 40% në 12 orët pasuese pas instrumentimit kanalar dhe riskut kompleksiv të dhimbjes me 25% 24 orë pas instrumentimit.

Për më shumë informacione:
Ahmed YE, Emara RS, Sarhan SM, El Boghdadi RM, El-Bayoumi MAA, El-Far HMM, Sabet NE, Abou El-Nasr HM, Gawdat SI, Amin SAW. Post-treatment endodontic pain following occlusal reduction in mandibular posterior teeth with symptomatic irreversible pulpitis and sensitivity to percussion: a single-centre randomized controlled trial. Int Endod J 2020 Sep;53(9):1170-80.
Nguyen D, Nagendrababu V, Pulikkotil SJ, Rossi-Fedele G. Effect of occlusal reduction on postendodontic pain: a systematic review and meta-analysis of randomised clinical trials. Aust End J 2020;46(2):282-94.
Shamszadeh S, Shirvani A, Asgary S. Does occlusal reduction reduce post-endodontic pain? A systematic review. J Oral Rehabilitation 2019;47:528-35.

Përktheu: Valbona Spahia