Proteza me shumë njësi të vendosura mbi dhëmbët natyralë: zirkon apo metal-qeramikë

Nga Lara Figini

Restaurimet protetike të bazuara në sistemet qeramike po fitojnë gjithnjë e më shumë rëndësi falë estetikës dhe biokompaktibilitetit të tyre. Këto restaurime në qeramikë integrale, ashtu si ato në metal-qeramikë (MC), kanë treguar një normë mbijetese për më shumë se 10 vite dhe në mënyrë graduale janë bërë një alternativë e vlefshme e kurorave klasike në metal-qeramikë.
Megjithatë, kurorat në qeramikë integrale nuk janë pa komplikacione. Thyerja e qeramikës së veshjeve estetike është komplikacioni më i shpeshtë i ndjekur nga fraktura e strukturës.

Tipologjia e kërkimit dhe modaliteti i analizës
Në një rishikim sistematik, të publikuar në JADA në prill 2020, autorët kanë krahasuar normat e mbijetesës dhe komplikacioneve të zirkon-qeramikës (ZC) me ato të metal-qeramikës (MC) te protezat që përbëhen nga shumë kurora të mbështetura në dhëmbët natyralë (FDP).
Autorët kanë kryer një kërkim sistematik të studimeve të randomizuara të kontrolluara (RCT), pa limite kohe dhe gjuhe, deri në maj 2019 duke përdorur databazat Med-line (PubMed), Scopus, Web of Science dhe Cochrane Central Register of Controlled Trials, të ndjekura nga kërkimi manual.

Rezultate
Autorët kanë përfshirë 7 studime të randomizuara të kontrolluara (RCT) në rishikim dhe 5 RCT në meta-analizë. Të gjithë studimet janë gjykuar në risk të ulët për ndikim.
Autorët kanë përfshirë 330 pjesëmarrës (177 ZC dhe 173 MC të mbështetur nga FDP) në meta analizën që ka zbuluar normën e mbijetesës afat-mesme me 95,4% për FDP në ZC në krahasim me 96,9% për FDP në MC, por diferencat nuk kanë qenë të rëndësishme (P¼.364).
Komplikacionet biologjike ose teknike nuk kanë treguar diferenca statistikisht të konsiderueshme, me përjashtim të frakturës globale të veshjes në qeramikë, për thyerjet e vogla, që mund të zgjidheshin me lustrim dhe për thyerjet më të mëdha që duhet të riparoheshin në laborator.

Konkluzione
Nga rezultatet e këtij rishikimi, që duhet të konfirmohen me punime të tjera analoge, mund të dalim në përfundimin se restaurimet posteriore me shumë njësi në ZC mund të konsiderohen trajtime të besueshme afat-mesme, edhe pse janë shumë më të ndjeshme ndaj thyerjes në krahasim me MC.

Implikime klinike
Limitet e kësaj analize lidhen me diferencat e mundshme ndërmjet 2 sistemeve të vlerësimit të komplikacioneve teknike (CDA dhe USPHS të modifikuar).
Autorët e RCT-ve të ardhshme duhet të përdorin të njëjtin sistem vlerësimi të standardizuar (në mënyrë ideale, kriteret e modifikuara të USP sepse janë më të saktë) dhe të përshtasin të njëjtat parametra specifikë për të ofruar rezultate të krahasueshme për komunitetin shkencor. Komplikacionet estetike duhet të maten me metoda objektive. Për më tepër janë të nevojshme studime afatgjata.

Për më tepër:
Limones A, Molinero-Mourelle P, Azevedo L, Romeo-Rubio M, Correia A, Gómez-Polo M. Zirconia-ceramic versus metal-ceramic posterior multiunit tooth-supported fixed dental prostheses: a systematic review and meta-analysis of randomized controlled trials. J Am Dent Assoc 2020 Apr;151(4):230-8.

Përktheu: Valbona Spahia