Si të shtojmë forcën e aderimit të zirkonit gjatë cementimit

Nga Lara Figini

Qeramika ka pasur gjithmonë një sukses të madh klinik që në fillimet e përdorimit të saj, falë aftësisë për të imituar ngjyrën dhe tejdukshmërinë e dhëmbëve natyralë. Për këtë arsye fabrikat prodhuese janë stimuluar gjithmonë që të përmirësojnë pikat e dobëta, si brishtësia, rezistenca e ulët dhe forca e dobët adezive në cement dhe materialet e veshjes. Prandaj suksesi klinik i restaurimeve në qeramikë adezive varet nga procesi i cementimit.
Për të shtuar forcën e adezionit sipërfaqësor të qeramikës në zirkon janë propozuar metodika ndërmjet të cilave është abrazioni (APA) me reaktiv me ajër të pjesëzave të aluminit 50-110 µm a 0,25 PSI, efikase për pastrimin dhe ashpërsimin e sipërfaqes.
Kohët e fundit, është sugjeruar edhe pre-trajtimi me laser për të ndryshuar sipërfaqen me qëllim që të përmirësohet lidhja me strukturën dentare ose me materialet e tjera.

Tipologjia e kërkimit dhe modaliteti i analizës
Në një studim in vitro të publikuar në Journal of Clinical and Experimental Dentistry në mars 2020, autorët kanë krahasuar efektin e trajtimeve sipërfaqësore nëpërmjet laserit Er:YAG dhe trajtimit nëpërmjet abrazionit me pjesëzat me reaktiv me ajër (APA), në forcën e lidhjes së zirkonit Y-TZP krahasuar me provëzat kubiode të rezinës kompozitë në prani të aplikimit të primer dhe me kontaminim salivar.
Shtatëdhjetë e dy kampione me formë kuboidi 7x7x3 të Y-TZP janë përgatitur duke përdorur sistemin CAD/CAM. Kampionet janë ndarë në dy grupe (n = 36) në bazë të trajtimit sipërfaqësor që është kryer: abrazioni nëpërmjet pjesëzave të ajrit (Grupi A) dhe trajtimi me laser (Grupi L). Çdo grup është ndarë në dy nëngrupe (n = 18) sipas kushtit që sipërfaqja të mos trajtohej me primer; e më tej çdo nëngrup është ndarë në dy grupe të tjera (n = 9) duke u bazuar në kontaminimin ose jo salivar.

Grupet/nëngrupet e studimit janë si vijon:

APC (abrazioni me pjesëzat e ajrit, primer, kontaminimi salivar);
APNC (abrazioni me pjesëzat e ajrit, primer, pa kontaminim);
ANPNC (abrazioni me pjesëzat e ajrit, pa primer, pa kontaminim);
AP (abrazioni me pjesëzat e ajrit, primer);
ANP (abrazioni me pjesëzat e ajrit, pa kontaminim);
AC (abrazioni me pjesëzat e ajrit, kontaminim);
LPC (laser, primer, kontaminim);
LNPNC (laser, pa primer, pa kontaminim);
LNPC (laser, pa primer, kontaminim)
LPNC (laser, primer, pa kontaminim);
LP (laser, primer);
LNP (laser, pa primer);
LC (laser, kontaminim).

Kompozitat në formë kubi me përmasa 6x6x3 janë cementuar në qendër të kubave të zirkonit dhe janë fotopolimerizuar për 6 minuta. Rezistenca e shkëputjes së kampioneve është matur duke përdorur një makinë universale prove me një shpejtësi transversale 0,5 mm/min.
Forca e adezionit (SBS) është llogaritur sipas ekuacionit: SBS (MPa) = ngarkesa (N)/zona (mm2).

Rezultate
Duke observuar forcën e adezionit ndërmjet grupeve të studiuara, grupi APNC (484,02 ± 85,02) ka treguar një vlerë mesatare më të lartë në krahasim me ANPNC (122,09 ± 55,80). Edhe LNPNC (120,87 ± 65,10) ka treguar një vlerë mesatare më të lartë në krahasim me LPNC (170,78 ± 53,22). APNC (484.02 ± 85.02) dhe APC (592.22 ± 189.65) kanë pasur vlera mesatare më të larta sesa LPNC (170,78 ± 53,22) dhe LPC (3227,66 ± 108,28) në sekuencë.
Nga të dhënat e këtij studimi, që duhet të konfirmohen me punime të tjera analoge, mund të dalim në përfundmin se duke trajtuar sipërfaqen e zirkonit me abrazione me pjesëzat e reaktivit me ajër shtohet forca e adezionit (SBS) të kësaj sipërfaqeje duke garantuar vlera më të larta në krahasim me trajtimin sipërfaqësor me laser Er:YAG.
Duke aplikuar një primer ka pasur rezultate më të mira për forcën e adezionit. Kontaminimi me pështymë artficiale nuk ndikon SBS e zirkonit.

Implikime klinike
Duke trajtuar sipërfaqen e zirkonit Y-TZP me abrazion me pjesëzat e reaktivit me ajër mund të kemi një forcë adezioni më të mirë dhe një cementim më të mirë.

Për më shumë informacione:
Joukhadar C, Osman E, Rayyan M, Shrebaty M. Comparison between different surface treatment methods on shear bond strength of zirconia (in vitro study). J Clin Exp Dent 2020 Mar 1;12(3):e264-70.

Përktheu: Valbona Spahia