Onlays në disilikat litiumi pas më shumë se 11 vitesh te pacientët me zhveshje të dhëmbëve

Lorenzo Breschi
Bashkë-autor A. Comba

Numri i dhëmbëve në mbetur në zgavrën orale me kalimin e moshës bie në mënyrë të konsiderueshme dhe ka një trend të qartë në lëvizjen nga protezat e lëvizshme tradicionale drejt atyre fikse dhe restaurimeve më pak invazive. Në ditët e stome, abrazioni, fërkimi i dhëmbëve, erozioni dhe kombinimet mes tyre janë shtuar duke marrë në konsideratë faktin që janë faktorët me riskun më të lartë për humbjen e hershme të strukturës së dhëmbit dhe si pasojë për dimensionin vertikal të okluzionit VDO). Në këtë kontekst, është me interes të madh për mjekun që të ketë të dhëna në lidhje me kohëzgjatjen e restaurimeve minimalisht invazive në zhveshjen e dhëmbëve.
Grupi i Edelhoff et al. nga Universiteti i Mynihut, Gjermani, ka kryer një studim klinik prospektiv in vivo për të analizuar dhe krahasuar performancën klinike me mbijetesën afat-gjatë dhe shkallët e dështimit të onlays okluzalë në disilikat litiumi glass-ionomer pas më shumë se 11 vitesh.

Materiale dhe metoda
Autorët kanë kryer një studim klinik prospektiv jo të randomizuar në 7 pacientë (4 meshkuj, 3 femra) që kanë pasur të gjithë dhëmbët të rehabilituar me një total prej 103 onlays okluzale në disilikat litiumi xham-qeramikë të lidhura në mënyrë adezive (IPS e.max Press, Ivoclar Vivadent, Schaan, Liechtenstein). Të gjitha restaurimet u ekzaminuan gjatë vizitës për kontroll çdo vit duke përdorur parametrat periodontalë sipas kritereve të modifikuara nga United States Public Health Service (USPHS):
(a)çngjyrosja marginale, (b) kariesi sekondar, (c) integriteti marginal, (d) tekstura e sipërfaqes, (e) fraktura e restaurimit dhe (f) zhveshja okluzale, duke u renditur me Alpha, Bravo dhe Charlie për një periudhë observimi mbi 11 vite.

Rezultate
Gjatë periudhës së observimit, onlays okluzalë në disilikat litiumi xham-qeramikë kanë paraqitur një shkallë mbijetese 100%. Katër restaurime te një pacient (3,9%) kanë paraqitur krisje në formim (3,9%) që janë shfaqur si çngjyrosje marginale dhe një restaurim (1%) ka shfaqur një krisje marginale. Nuk ka pasur komplikacione biologjike, debonding ose karies sekondar dhe parametrat e testuar periodontalë kanë treguar rezultate të shkëlqyera.

Konkluzione
Grupi i kërkimit të Edelhoff et al. ka dalë në përfundimin se restaurimet xham-qeramike në disilikat litiumi monolitik që janë kryer me IPS e.max Press, Ivoclar Vivadent me një trashësi minimale 1 mm paraqisnin një opsion të besueshëm trajtimi, veçanërisht nëse VDO duhej shtuar. Sidoqoftë, duke qenë se vetëm një material restorativ është ekzaminuar ata afirmojnë se studime të mëtejshme me materiale të ndryshme mund të jenë të dobishëm.

Për më shumë informacione: Clinical performance of occlusal onlays made of lithium disilicate ceramic in patients with severe tooth wear up to 11 year

Përktheu: Valbona Spahia