Menaxhimi afatgjatë i inlays PICN të kryer me sistemin CAD/CAM

Nga Simona Chirico

Inlays janë një zgjedhje e përshtatshme për të rikonstruktuar elemente dentarë me shumë karies. Materialet që mund të përdoren janë të shumtë për këtë lloj rikonstruksioni dhe ka metodika të ndryshme të përgatitjes së këtyre punimeve.
Përsa i përket aspektit të fundit, në ditët e sotme sistemi CAD/CAM është një nga realitetet gjithnjë e më shumë të pranishme në praktikën klinike të stomatologjisë, sepse ofron mundësinë që t'i japë pacientit estetikën, funksionalitetin dhe restaurime të besueshme për një kohë të gjatë duke u kryer në një takim të vetëm.
Përsa i përket zgjedhjes së materialit CAD/CAM për restaurimin, kemi studime të ndryshme që na japin rezultate të shkëlqyera për suksesin afatgjatë të disilikatit të litiumit dhe të qeramikës feldspathic. Por vitet e fundit po përhapet përdorimi i një materiali tjetër për restaurimet indirekte parciale: PICN (qeramika e infiltruar nga polimeret).

Tipologjia e kërkimit dhe modaliteti i analizës
Studimi i kryer nga Spitznagel et al. ka kërkuar t'i japë përgjigje kësaj çështjeje, duke vlerësuar për 5 vite menaxhimin e qeramikave PICN. Janë kryer 103 restaurime (45 inlays, 58 PCR) në dhëmbët posteriorë të 47 pacientëve. Pasi janë kryer përgatitjet, janë prodhuar me sistematikën CAD/CAM restaurimet PICN të VITA Enamic (inEoS blue/CEREC inLab MCXL) dhe janë cementuar në mënyrë adezive (Variolink II).
Pas cementimit, janë kryer kontrolle pas 6, 12, 24 dhe 36 muajsh duke vlerësuar kriteret e Shërbimit të shëndetit publik të SHBA (USPHS).

Rezultate
Pas një kohe observimi prej 3 vitesh, përqindja e mbijetesës ishte me 97,4% për inlays dhe 95,6% për overlays. Shkaku kryesor i dështimit ishte fraktura e punimit. Në fakt, nuk janë observuar karies sekondar dhe debonding.
Përqindja e suksesit Kaplan-Meier pas 3 vitesh ka qenë me 84,8% për inlay dhe 82,4% për overlay. Korrespondenca e ngjyrave dhe e formës anatomike është ruajtur me kalimin e kohës.
Nuk ka pasur diferenca statistikisht të rëndësishme në dy tipologjitë e restaurimit qoftë për mbijetesën (p = 0,716) qoftë për suksesin (p = 0,431).

Konkluzione
Restaurimet PICN janë një opsion trajtimi i përshtatshëm për inlay dhe overlay posteriorë. Duke demonstruar rezultate të shkëlqyera, duhet të presim për të dhëna klinike të tjera në një kohë më të madhe vlerësimi.

Për më tepër:
Spitznagel FA, Scholz KJ, Strub JR, Vach K, Gierthmuehlen PC. Polymer-infiltrated ceramic CAD/CAM inlays and partial coverage restorations: 3-year results of a prospective clinical study over 5 years. Clin Oral Investigat 2017;22:1973-83(2018).

Përktheu: Valbona Spahia