Rezistenca e instrumenteve rrotullues në NiTi ndaj lodhjes në kanalet me hark dhe me aksese me kënd

Instrumentet rrotulluese në nikel-titan (NiTi) mund të paraqesin një risk më të madh të frakturës intra-operative në brendësi të kanalit radikolar.
Mund të afirmojmë se:
- fraktura mund të verifikohet për shkak të insuficiencës torsionale ose lodhjes ciklike;
- lodhja ciklike duket se është shkaku më i shpeshtë i frakturave "të papritura";
- fraktura ciklike e lodhjes verifikohet me propagandën në rritje të shkaktur nga kërkesat e vazhdueshme të tërheqje-kompresion kur file pozicionohet në kanalet me hark.
Një nga variablat më të rëndësishme të përfshira në frakturën e instrumentit është rrezja e lakimit. Kjo variabël anatomike kryen një rol thelbësor, veçanërisht në formën e shkronjës S. Një parametër tjetër është vendosja e anuar e file në kanalin që varet nga konfigurimi i aksesit anatomik dhe nga aftësitë e profesionistit.

Tipologjia e kërkimit dhe modaliteti i analizës
Në një studim in vitro, të publikuar në Journal of Endodontics në mars 2020, autorët kanë krahasuar influencat që mund të kenë akseset në kënde të ndryshme dhe rrezet e përthyerjes në rezistencën ndaj lodhjes cicklike të file rrotullues në nikel-titan.
Janë analizuar dy tipe të sistemeve rrotulluese në NiTi:
- 2Shape (TS; MicroMega, Besançon, Francia);
- HyFlex CM (HCM; Coltene/Whaledent, Allstätten, Svizzera).
Një total prej 192 instrumentesh TS # 25/.04 (TS1), TS # 25/.06 (TS2), HCM # 25/.04 dhe HCM # 25/.06 janë vlerësuar me 3 kënde vendosjeje (0°, 10° dhe 20°) dhe 2 rreze (5 mm dhe 3 mm) në kanalet artificiale me një harkim 60° në çelik të paoksidueshëm 16 mm.
Rezistenca ndaj lodhjes ciklike është përcaktuar nga numri i cikleve të nevojshme për frakturim (NCF) duke përdorur një pajisje të personalizuar testimi. Të dhënat janë analizuar statistikisht me rëndësinë e nivelit të vendosur me 95%.

Rezultate
Në kanalin me rreze 3 mm instrumentet kanë treguar një rezistencë ndaj lodhjes ciklike më të ulët në krahasim me kanalin me rreze 5 mm (P <0.5). HCM # 25/.06 dhe të gjithë instrumentet konikë .04 kanë treguar një reduktim të konsiderueshëm të NCF me kënd 20° dhe 10 ° të futjes në kanalin me rreze 3 mm (P <0.5), ndërsa TS2 nuk ka treguar diferenca të konsiderueshme.
Në 5 mm, edhe pse instrumentet konikë .06 nuk kanë pasur një reduktim të konsiderueshëm të NCF për secilin kënd të testuar, file konikë 0.4 kanë treguar një reduktim të konsiderueshëm të NFC kur janë testuar në 20° (P <0.5).
Duke krahasuar instrumentet me përmasa të njëjta, HCM ka treguar një NCF më të lartë të TS (P <0.5). Instrumentet .04 kanë shfaqur një NCF më të lartë në krahasim me ato .06 me të njëjtin trajtim termik (P <05).

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se një futje me kënd në kanale mund të reduktojë rezistencën ciklike ndaj lodhjes së instrumenteve të trajtuar në mënyrë termike me një konicitet .04 me të gjitha rrezet e testuara.
Efekti sinergjik i një rrezeje të vogël dhe të këndit të aksesit të instrumenteve të trajtuara në mënyrë termike redukton rezistencën e tyre ndaj lodhjes.

Implikime klinike
Mjeku duhet të jetë i ndërgjegjshëm se përballë kanaleve shumë të harkuara që duhen trajtuar në mënyrë endodontike dhe duhet të kemi akses me file me kënd risku i frakturës është i madh, sepse këto faktorë reduktojnë rezistencën ndaj lodhjes së file nikel-titan të trajtuar termikisht.

Për më tepër:
Pedullà E, La Rosa GRM, Virgillito C, Rapisarda E, Generali L. Cyclic fatigue resistance of nickel-titanium rotary instruments according to the angle of file access and radius of root canal. J Endod 2020 Mar;46(3):431-6.

Përktheu: Valbona Spahia