Nikel titan VS M-Wire vs Gold Wire: cila lidhje garanton formësimin më të mirë të kanalit radikolar?

Nga Simona Chirico

Gjatë këtyre viteve janë krijuar lloje të ndryshme instrumentesh rrotulluese për formësimin e kanalit radikolar. Qëllimi i përdorimit të këtyre instrumenteve ishte respektimi i anatomisë së kanalit origjinal dhe shmangia e shformimeve, rrugëve të rreme dhe perforimeve.

Instrumentet rrotulluese mund të jenë me tipologji të ndryshme, në bazë të lidhjes së tyre metalike: nikel titan, M-Wire, Gold Wire.
Cila është lidhja më e mirë?

Tipologjia e kërkimit dhe modaliteti i analizës
Studimi i Van Der Vyver et al., i publikuar në Journal of Endodontics në janar 2019, është përpjekur t'i japë përgjigje kësaj pyetjes, duke vlerësuar formësimin e kanalit radikolar të kryer me instrumente që kanë këto lidhje.

135 kanale mezio-vestibulare të molarëve superiorë humanë të ekstraktuar janë ndarë në mënyrë rastësore në 3 grupe të barabarta (N=45) për formësimin kanalar, nëpërmjet përdorimit të: K-file (KF) (Dentsply Sirona, Ballaigues, Zvicër), One G (OG) (Micro-Mega, Besancon, Francë) dhe file ProGlider (PG) (Dentsply Sirona). Kampionet janë ndarë në mënyrë të barabartë në 3 grupe për instrumentimin me sistemet ProTaper Next (PTN, Dentsply Sirona), One Shape (OS, Micro-Mega) dhe WaveOne Gold (WOG, Dentsply Sirona) (n = 15).

Imazhet tomografike të mikrokompjuterizuara janë përdorur në skanimin e dhëmbëve përpara instrumentimit dhe pas tij, për të krahasuar raportin e qendërzimit dhe vlerat e transportit të kanalit në nivelin apikal, në një të tretën e mesit dhe të kurorës dhe variacionet e përgjithshme të vëllimit të kanalit. Grupi i të dhënave është analizuar statistikisht (analiza e variancës dhe testi H i Kruskal-Wallis).

Rezultate
Raportet e qendërzimit për të gjitha grupet ishin statistikisht të ngjashme në të gjitha nivelet. Transporti i kanalit apikal ishte mjaft i lartë për K-file/OS dhe K-file/PTN (P=.003). Shformimi i kanalit ishte mjaft i madh për K-file/PTN, K-file/OS dhe OG/OS (P=.0003).
Shformimi i kanalit në nivelin e kurorës është observuar mjaft i madh për K-file/PTN e K-file/OS (P=.011).

Variacioni më i lartë në vëllimin e kanalit është observuar me të gjitha grupet PTN dhe më i ulëti me PG/WOG (P=.06).

Konkluzione
Instrumentet Gold-Wire të kombinuar me Proglider kanë treguar një aftësi më të mirë të modelimit të kanalit radikolar, me një heqje të vogël të dentinës nga muret e kanalit. Instrumentet në nikel-titan (OS) dhe M-Wire (PTN) të përdorur në kombinim me KF shkaktonin një shformim më të madh.

Për më tepër:
van der Vyver PJ, Paleker F, Vorster M, de Wet FA. Root canal shaping using nickel titanium, M-Wire, and Gold Wire: a micro-computed tomographic comparative study of one shape, ProTaper Next, and WaveOne Gold instruments in maxillary first molars. JOE 2019;45(1):62-7.

Përkthimi: Valbona Spahia