Cili irrigues nuk interferon në adezionin e kunjave në fibra?

Nga Lara Figini

Për restaurimin e dhëmbëve të trajtuar në mënyrë endodontike, të cilët janë dëmtuar shumë përdoren kunjat në fibra, sepse moduli i tyre elastik i ngjashëm me atë të dentinës mund të reduktojë riskun e frakturës radikolare gjatë mastikacionit.

Përpara se të kryhet cementimi i kunjës në fibra, kanali radikolar duhet të përgatitet duke hequr pjesërisht mbushjen edodontike dhe gjatë kësaj faze 1/3 cervikale dhe 2/3 cervikale apo dentina nën to janë vulnerabël nga kontaminimi mikrobial prandaj është e nevojshme një larje më pas për të dezinfektuar dhe hequr mbetjet e mundshme të produkteve.

Hipokloruri i natriumit, që është edhe solucioni më i rekomanduar në trajtimet kanalare, për fat të keq në këtë fazë nuk është i këshillueshëm sepse interferon negativisht me adezionin e cementeve rezinoze të përdorura për të cementuar kunjat.

Për këtë qëllim janë propozuar substanca të tjera ndërmjet të cilave klorheksidinë diglukonat, acid fosforik dhe acid etilendiaminotetraacetik (EDTA); megjithatë, efektet e tyre anësore dhe/ose vetitë antimikrobiale të reduktuara nuk inkurajojnë përdorimin.

Tipologjia e kërkimit dhe modaliteti i analizës
Në një studim in vitro, të publikuar në Journal of Prosthetic Dentistry në korrik 2019, autorët kanë vlerësuar efektin e irrigimit të hapësirës endodontike post-përgatitje për vendosjen e kunjit në fibra, duke përdorur 1% acid peracetik (PA) me (LH) të ulët ose përqendrim të lartë të peroksidit të hidrogjenit (HH) në lidhjen e adezionit dhe penetrimit në tubthat dentinalë të cementit rezinoz adeziv (RelyX U200).

Pas përgatitjes së vendosjes së kunjit 60 dhëmbë të trajtuar në mënyrë endodontike janë ndarë në katër grupe (n = 15) në bazë të protokollit të irrigimit:
• Grupi 1 CG (kontrolli), irrigimi me ujë të distiluar;
• Grupi 2 ose NA (NaOCl), irrigimi me hipoklorurin e natriumit me 2,5%;
• Grupi 3 ose LHPA, irrigimi me acidin peracetik PA me një përqendrim të peroksidit të hidrogjenit;
• Grupi 4 ose HHPA, irrigimi me PA dhe me përqendrim të lartë të peroksidit të hidrogjenit.

Pra te provëzat janë cementuar kunja në fibra me cement rezinoz autoadeziv. Nëpërmjet mikroskopit me skanim konfokal janë marrë seksione transversale dhe janë kryer teste të shkëputjes (push-out) dhe teste të penetrimit të cementit.

Të dhënat e marra nga testet e push-out janë vlerësuar duke përdorur testin Kruskal-Wallis dhe Dunn (korrigjimi i Bonferroni) (a = .05).

Rezultate
Vlerat e forcës së lidhjes në 1/3 cervikale së CG kanë rezultuar më të larta se ato të grupit NA (P = .035), por të ngjashme me ato të grupeve të tjera (P = .05). Në pjesët e tjera vlerat e CG dhe LHPA ishin të ngjashme ndërmjet tyre (P = .05) por më të larta se ato të NA dhe HHPA (P<.001).

Norma e penetrimit të vlerësuar nëpërmjet mikroskopit me skanim konfokal ka zbuluar rezultate të ngjashme në 1/3 cervikale për të gjitha grupet (P = .075), me përjashtim të NA që ka ofruar penetrim më të vogël.

Në pjesët e mbetura të cervikales, CG dhe LHPA kanë ofruar normë më të lartë penetrimi (P = .015).

Konkluzione
Nga të dhënat e nxjerra nga ky studim in vitro, që duhen të konfirmohen me punime të tjera in vitro dhe punime klinike analoge, mund të dalim në përfundimin që përdorimi i acidit peracetik shtesë me përqendrime të ulëta të peroksidit të hidrogjenit, si irrigues kanalar pas fazës së përgatitjes për vendosjen e kunjit, nuk sjell efekte negative te forca e lidhjes adezive dhe te penetrimi në tubthat dentinalë të cementit rezinoz të përdorur për të cementuar kunjat.

Implikime klinike
Hapësira e krijuar për vendosjen e kunjave në fibra duhet të irrigohet me solucione që nuk interferojnë me forcën e lidhjes dhe penetrimit në tubthat dentinalë të cementeve rezinoze të projektuar për të cementuar kunjat.
Acidi peracetik mund të jetë një opsion i vlefshëm, edhe pse efektet e formulimeve të ndryshme në dentinën radikolare nuk janë përcaktuar ende.

Për më tepër:
Belizário LG, Kuga MC, Hungaro Duarte MA, Só MVR, Keine KC, Pereira JR. Effect of fiber post space irrigation with different peracetic acid formulations on the bond strength and penetration into the dentinal tubules of self-etching resin cement. J Prosthet Dent 2019 Jul;122(1):46.e1-46.e7.

Përktheu: Valbona Spahia