Kur është e nevojshme që të përdoret CBCT në vend të radiografisë periapikale?

Nga Simona Chirico

Radiografia periapikale është përdorur si instrument për hetimet primare në endodonci, qoftë për diagnozën qoftë për vlerësimin e rezultatit të një terapie endodontike. Por a jemi të sigurt që mund të jetë gjithmonë e mjaftueshme?

Futja e tomografisë së kompjuterizuar me rreze konike (CBCT) në endodonci ka bërë që shumë dentistë të preferojnë përdorimin e saj, duke qenë se ka efikasitet dhe saktësi më të mirë, veçanërisht për studimin e lezioneve.

Pra, cila nga dy metodat do të preferohej që të përdorej për vlerësimin e lezioneve periapikale? Një recesion i publikuar në Journal of Endodontics ka kërkuar t'i përgjigjet kësaj pyetjeje, me qëllim që të krahasohen të dy metodat për të identifikuar raportin e probabilitetit dhe të përcaktojë sasinë e rezultateve endodontike.

Materiale dhe metoda
Janë analizuar dy rishikime të pranishme në literaturë, që janë nxjerrë nga kërkimet mbi bazat e të dhënave Medline, Embase, Cochrane dhe PubMed.

Rezultate
Probabilitetet për të diagnostikuar një lezion nëpërmjet përdorimit të CBCT janë 2,04 herë më të mëdha në krahasim me probabilitetin e radiografisë periapikale për të identifikuar të njëjtin lezion (intervali i besueshmërisë 95%, 1,52-2,73).
Kjo mund të mos jetë motiv për t'u shqetësuar për një lezion të dukshëm i cili mund të shërbejë për një diagnozë të qartë, por kur kjo e fundit është vënë klinikisht në diskutim atëherë CBCT mund të ofrojë një sasi të madhe informacionesh të nevojshme për të vendosur një diagnozë të saktë.

Konkluzione
Edhe pse CBCT mund të kalojë kufizime të ndryshme të radiografisë dydimensionale, ka çështje të tjera që duhen marrë në konsideratë, si rrezatimet, nivelet e larta të shpërndarjes dhe zhurma, variacionet në shpërndarjen e dozës në brendësi të vëllimit të interesit dhe kostos.

Për këto motive, CBCT duhet të përdoret kur historia dhe ekzaminimi klinik tregojnë qartësisht që përfitimet i kalojnë risqet e mundshme dhe kur radiografia periapikale dydimensionale nuk është përfundimtare.

Për më tepër:
Aminoshariae A, Kulild JC, Syed A. Cone-beam Computed Tomography compared with intraoral radiographic lesions in Eedodontic outcome studies: A systematic review. JOE 2018;44(11):1626-31.

Përktheu: Valbona Spahia