Si të shohim regjionet apikale të kanaleve të lakuar?

Një endoskop kanalar inovativ eksperimental mund ta lejojë këtë gjë

Nga Lara Figini

Në vitet e fundit endodoncia ka bërë hapa gjigande qoftë falë futjes së mikroskopit operativ qoftë falë Cone Beam (CBCT), që paraqesin tashmë ndihma thelbësore që janë në gjendje të bëjnë sistemin kanalar gjithnjë e më "të dukshëm" për endodontistin.

Megjithatë, kanalet radikolarë me forma të komplikuara, kanalet kolateralë dhe degëzimet kanalare paraqesin proksimitetet e apeksit të rrënjës, ashtu si kanalet e lakuar, nuk observohen as me përdorimin e mikroskopit operativ duke bërë të mundur diagnozën e një frakture, perforimit ose transportimit të apeksit tek ato. Duhet shtuar edhe që specialisti nuk mund të përfitojë nga përdorimi i CBCT gjatë procedurave intra-operative.

Për të kërkuar përballjen me këto problematika, aktualisht janë futur në treg disa endoskopë kanalarë që kanë një limit në lejimin e shikimit të regjioneve apikale vetëm te kanalet relativisht të drejtë dhe jo tek ato që janë të lakuar ose të ngushtë.

Tipologjia e kërkimit dhe modaliteti i analizës
Në një studim japonez in vitro, të publikuar në Journal of Endodontics në dhjetor 2018, është ekzaminuar potenciali i një endoskopi kanalar me një konceptim të ri, ende eksperimental, me fibra optike të implementuara.
Endoskopi i ri është prodhuar duke përfshirë një sondë dhe një kompjuter personal. Sonda përbëhet nga një fibër optike (fibër multimodale, Fujikura Ltd, Tokio, Japoni), nga një lente me tregues të gradientit (GRIN) (objektivi GRIN, Grintech GmbG, Jena, Gjermani), nga fibrat optike (fibra monomodale, Fujikura Ltd, Tokio, Japoni) dhe nga një tub bakri i paoksidueshëm i punuar me dorë.

Fibra optike ka një diametër shumë të hollë prej 600 mm, 3000 pixel dhe një rezolucion me rreth 20 mm që duhet të lejojë kalimin e endoskopëve të tjerë kanalarë të cituar më lart.

Ky endoskop i ri është testuar nga autorët e studimit në 3 tipe të modeleve kanalare dhe te dhëmbët e ekstraktuar pra në modele kanalare të drejtë dhe modele kanalare me dy lloje lakimi (10° dhe 30°).

Janë krahasuar imazhet e marra përmes mikroskopit operativ dhe këtij endoskopi eksperimental dhe janë analizuar në mënyrë cilësore dhe sasiore. Përveç kësaj, janë observuar me të dyja pajisjet linjat e frakturës në 20 dhëmbë të ekstraktuar.

Rezultate
Me mikroskopin operativ janë marrë imazhe të vlefshme dhe me rezolucion të qartë vetëm te kanalet e drejta, por jo te modelet me kanale të lakuar. Ndërsa me endoskopin e ri janë marrë imazhe të vlefshme dhe me rezolucion të lartë në të gjitha llojet e kanaleve, edhe tek ato të lakuar. Gjithashtu te dhëmbët e ekstraktuar në linjat e frakturës dhe në foramen apikal janë observuar më qartë me endoskop sesa me mikroskopin operativ.

Konkluzione
Nga të dhënat e nxjerra nga ky studim, por që duhet të konfirmohen me studime të tjera analoge, ky endoskop eksperimental me konceptim të ri që përdor një fibër optike shumë të hollë është i dobishëm dhe efikas për saktësinë e vizualizimit të zonës apikale të kanaleve radikolare të lakuar.

Implikacione klinike
Endoskopi i ri kanalar eksperimental mund të jetë i dobishëm si pajisje komplementare për një diagnozë të saktë në terapinë endodontike sidomos te kanalet e lakuara.

Për më tepër
Shinji Yoshii, Masataka Fujimoto, Masahiro Okuda, Chiaki Kitamura. In vitro evaluation of a novel root canal endoscope for visualizing the apex of curved root canal models and an extracted tooth. J Endod 2018;44:1856-61.

Përktheu: Valbona Spahia