Efikasiteti i hipoklorurit të natriumit dhe medikamenteve të tjera kanalare kundër Enterococcus faecalis

Nga Lara Figini

Nga flora mikrobiale e disponueshme në kanalet e dhëmbëve të trajtuar në mënyrë endodontike me lezione radiotransparente periapikale persistente ndryshon shumë nga ajo që gjendet zakonisht te dhëmbët me pulpë nekrotike të infektuar akoma të patrajtuar.

Enterococcus faecalis është lloji i baktereve që është zakonisht i pranishëm te dhëmbët e trajtuar në mënyrë endodontike me lezione apikale persistente, madje edhe në përqendrime nëntë herë më të larta se ato të kanaleve me infeksione endodontike primare.

Karakteristikat kryesore të E. faecalis janë: një aftësi më e madhe adezioni, agresivitet më i madh dhe rezistencë ndaj antimikrobialëve.

Tipologjia e kërkimit dhe modaliteti i analizës
Në një studim in vitro, të publikuar në Australian Dental Journal në qershor 2018 është analizuar efikasiteti i hipoklorurit të natriumit dhe barnave të tjera endodontike të përdorura zakonisht kundër E. faecalis të kultivuar si biofilm në një shtresë të dentinës.

Përveç hipoklorurit të natriumit medikamentet e testuara kanë qenë:
• pasta ledermix (me kortikosteroide);
• hidroksidi i kalciumit;
• odontopaste (me klindamicinë);
• klorheksidinë 0,2%;
• kombinimi i ledermix dhe hidroksid kalciumi 50:50;
• kombinimi i odontopaste me hidroksid kalciumi 50:50.

Një biofilm i E. faecalis është gjeneruar në copëza dentine humane duke përdorur një qelizë me fluks të vazhdueshëm. Kampionët e këtij biofilmi janë vënë në kontakt me substancat e ndryshme antimikrobiale të lartpërmendura, pra është përcaktuar vitaliteti qelizor nëpërmjet lidhjes në seri dhe është numëruar numri i kolonive bakteriale persistente.

Analiza mikroskopike me skanim elektronik cilësor të biofilmit është kryer pas ekspozimit prej 48 orësh për secilin agjent të testit.

Rezultate
Hipokloruri i natriumit ka arritur eliminimin bakterial total. Lerdermix dhe odontopaste nuk kanë pasur efekte të rëndësishme në biofilmin e E. faecalis. Kombinimet e Ca(OH)2/ledermix ose Ca(OH)2/odontopaste kanë reduktuar vitalitetin bakterial të Faecalis të më shumë se 99% ndërsa klorheksidinë 0,2% ka reduktuar numrin e baktereve me 97%.

Është parë, gjithashtu, që efikasiteti antimikrobial i hipoklorurit të natriumit rritet në mënyrë eksponenciale me rritjen e kohës së ekspozimit. Eliminimi bakterial total është arritur në mënyrë të parashikueshme pas 30 minutash ekspozimi.

Konkluzione
Nga të dhënat e nxjerra nga ky studim in vitro mund të konfirmojmë që hipokloruri i natriumit mbetet standardi i artë për eliminimin bakterial në terapinë kanalare, veçanërisht në krahasim me Enterococcus faecalis në lezionet periapikale persistente.

Edhe hidroksidi i kalciumit Ca(OH)2 i kombinuar me ledermix dhe odontopaste konsiderohet shumë efikas në reduktimin e vitalitetit bakterial të Faecalis.

Implikime klinike
Rezultatet e këtij studimi in vitro sidoqoftë duhet të konfirmohen me punime të tjera analoge.

Për më tepër
Plutzer B, Zilm P, Ratnayake J, Cathro P. Comparative efficacy of endodontic medicaments and sodium hypochlorite against Enterococcus faecalis biofilms. Aust Dent J 2018 Jun;63(2):208-16. https://onlinelibrary.wiley.com/doi/abs/10.1111/adj.12580

Përktheu: Valbona Spahia