Rezistenca ndaj frakturës së instrumenteve endodontikë në nikel-titan të gjeneratës së fundit

Hetohet influenca e temperaturës së përdorimit

Nga Gianluca Plotino

Në numrin e gushtit 2018 të Journal of Endodontics është publikuar një artikull i një grupi italian që ka hetuar influencën e temperaturës së përdorimit në rezistencën ndaj frakturës së instrumenteve endodotike në nikel-titan (NiTi) të gjeneratës së fundit.

Një nga progreset teknologjike më të rëndësishme të prodhimit të instrumenteve endodontike është paraqitur nga futja e trajtimeve të ndryshme termikë të lidhjes NiTi, që ndihmojnë në përmirësimin e vetive mekanike të vetë instrumenteve. Kjo gjeneratë e re e instrumenteve i nënshtrohet trajtimeve komplekse të ngrohjes dhe ftohjes për të optimizuar fazën kritalografike dhe transformimin e lidhjes NiTi nga austenite në martensite, duke ju afruar temperaturës trupore dhe duke krijuar një lidhje për të kujtuar formën, pra të përthyeshme në temperaturë ambienti.

Duke qenë kaq të ndjeshëm ndaj ndryshimeve termike, edhe temperatura ndaj së cilës përdoren këto instrumente mund të influencojë në vetitë e tyre mekanike në nivel klinik.

Në këtë artikull përmblidhen file Reciproc që janë testuar, të cilët realizohen me lidhjen NiTi M-Wire dhe janë në fazën austenite gjatë përdorimit klinik dhe file Reciproc Blue, që janë në fazën martensite gjatë përdorimit klinik, për të cilin instrumenti është më i përkulshëm, i përshtatshëm dhe mund të përthyhet lehtësisht. Këta instrumente janë me përmasa identike, me majë 0.25 mm dhe një konicitet të ndryshueshëm (nga 0,08 në majë deri në 0,04 te fundi) dhe ndryshojnë vetëm për trajtimin termik të cilit i nënshtrohen gjatë prodhimit.

Qëllimi i këtij studimi ka qenë pra ai që të vlerësojë influencën e temperaturave të ndryshme të përdorimit mbi rezistencën e lodhjes ciklike të përthyerjes së instrumenteve të cituara më lart.

Njëzet instrumente nga secili tip i janë nënshtruar një testi të lodhjes ciklike në një dush termostatik me temperaturë të kontrolluar dhe me temperatura të ndryshme: 0 °C, 20 °C (temperatura e ambientit), 35 °C (temperatura intrakanale) dhe 39 °C. Pra është regjistruar koha e kaluar përpara se çdo instrument të pësonte frakturë kur vepronte me lëvizjen reciproke në një kanal me kënd përthyerje 60° dhe rreze përthyerje 5 mm.

Kështu janë llogaritur mesataret për secilin grup dhe rezultatet i janë nënshtruar analizës së përshtatshme statistikore. Në përgjithësi, rezultatet e sjella në këtë artikull tregojnë sesi lidhja Blue ka rritur në mënyrë të konsiderueshme rezistencën ndaj lodhjes ciklike të file Reciproc në krahasim me lidhjen M-Wire në të gjitha temperaturat e marra në konsideratë. Këto rezultate përputhen me ato të një studimi tjetër në të cilin Reciproc Blue paraqisnin një përthyerje dhe një rezistencë ndaj lodhjes ciklike në mënyrë të konsiderueshme më të lartë sesa Reciproc M-Wire.

Një diferencë statistikisht e rëndësishme është ndeshur ndërmjet të gjitha temperaturave të analizuara për të dyja tipet e instrumenteve të testuara (P <.05), përveç temperaturave nga 35 C° deri në 39 C° (P> .05). Sipas rezultateve të k tij studimi, në fakt, rezistenca ndaj lodhjes ciklike të instrumenteve në NiTi rritet në mënyrë proporcionale me zvogëlimin e temperaturës në të cilën janë testuar (0 C° > 20 C° > 35 C° > 39 C°), me diferenca që janë nga 35% deri në 421%. Këto rezultate janë të ngjashme me ato të studimeve të mëparshme të publikuara që tregojnë se temperatura influencon fortësisht vetitë mekanike të file NiTi të testuar.

Interesant është fakti që vihet re ndërmjet rezultateve që rritja e vetive mekanike e sjellë në këtë studim ndërmjet 39 C° dhe 0 C° ka qenë më lineare për instrumentet që i janë nënshtruar trajtimit Blue, ndërsa për instrumentet M-Wire ka qenë më drastik në 0 C°. Këto rezultate përputhen me ato të një studimi të mëparshëm në të cilin file më pak rezistent ndaj temperaturës së ambientit tregonin një rritje më të madhe në kohëzgjatjen e tyre në 0 C°.

Autorët kanë supozuar se temperaturat më të ulëta mund të kenë një influencë më të vogël te instrumentet që paraqesin një përthyerje më të madhe në temperaturë ambienti për shkak të përqindjes më të vogël të strukturës metalike që mund të kalojë nga austenite në martensite. Zhvillime interesante të këtij punimi do të jenë ato të studimit sesi aplikohen klinikisht këto observime dhe të gjendet strategjia klinike që mund të përmirësojë kohëzgjatjen e instrumenteve endodontike, si ngrohjet ose ftohjet e drejtpërdrejta gjatë praktikës klinike dhe sipas nevojës.

Për më tepër:
Plotino G, Grande NM, Testarelli L, Gambarini G, Castagnola R, Rossetti A, Özyürek T, Cordaro M, Fortunato L. Cyclic Fatigue of Reciproc and Reciproc Blue Nickel-titanium Reciprocating Files at Different Environmental Temperatures. JOE 2018;44(10):1549-52.

Përktheu: Valbona Spahia