Kurora CAD/CAM në disilikat: këllëfi VS endo-kurora

Si është rezistenca e tyre ndaj frakturave?

Nga Davis Cussotto

Një studim i fundit i publikuar në Journal of Esthetic and Restorative Dentistry krahason dy restaurime të ndryshme. Kërkimi, i kryer nga A. Krance në Uniformed Services University of Health Sciences in Bethesda (SHBA), ka krahasuar rikonstruksionet post & core (amalgama ose rezina kompozitë) të mbuluara nga një këllëf në disilikat litiumi vs endo-kurora (EC) e bërë me të njëjtin material.

EC janë onlay që zgjerohen edhe në brendësi të dhomës pulpare; falë CAD/CAM dhe teknikave adezive që po bëhen gjithnjë e më popullore, prandaj rezultojnë më konservative nga rikonstruksionet klasike bazë me kunja dhe kurora.

Studimi in vitro ka përdorur 84 molarë të tretë mandibularë të ekstraktuar dhe të inkorporuar në një një bllok rezine. Elementet dentarë të trajtuar në mënyrë endodontike janë ndarë në dy grupe. Gjysma janë rikonstruktuar me EC në disilikat Ivoclar Vivadent CAD/CAM ndërsa gjysma tjetër është rikonstruktuar me post & core dhe është mbuluar me kurora me përgatitje totale të bëra me të njëjtin material.

Elementet dentarë të restauruar kështu i janë nënshtruar në laborator një ngarkese progresive për të provokuar një frakturë të sistemit dhëmb-restaurim. Një ngarkesë e lartë e frakturës paraqet një rezultat më të mirë. Kurorat me përgatitje totale me rikonstruksion post & core përballojnë ngarkesa frakturash më të larta se 15/20% në krahasim me endo-kurorat. Fraktura e dhëmbit është padyshim më e lartë për EC. Në shumë raste fraktura e build up post & core ruan rrënjën e elementit dentar.

Përfundime
Autorët përfundojnë se kurorat e plota në disilikat litiumi janë një opsion trajtimi praktik kur ekziston një strukturë e përshtatshme e dhëmbit dhe një hapësirë e mjaftueshme riparuese. Rikonstruksioni post & core është një opsion restorativ i përshtatshëm dhe ofron mundësinë, në rast dështimi, për rindërhyrje të mundshme konservative të elementit dentar.

Për më tepër:
Krance A, DuVall N, Brewster J,Roberts H. Fracture resistance of all‐ceramic crowns based on different preparation designs for restoring endodontically treated molars. JERD 25 August 2018.

Përktheu: Valbona Spahia