Kunja endokanalare dhe ritrajtimet

Cilat janë zgjidhjet që mund të përshtaten?

Nga Massimo Gagliani

Jo rrallë herë ritrajtimet endodontike duhet të kryhen tek elementet dentarë që kanë pasur rikonstruksione me kunja endokanalare. Këto të fundit janë me formë dhe përmasa të ndryshme, mund të jenë metalike ose me fibra dhe shpesh një dhëmb me një kunj që paraqet një lezion periapikal ka një dëmtim të silantit koronar.

Kjo gjë i bën veprimet e heqjes së kunjit më të thjeshta dhe si pasojë manovrat endodontike të konturimit, dezinfektimit dhe mbushjes më të lehta. Megjithatë, në disa raste që nga ekzaminimi radiografik është e mundur që të identifikojmë shkallën e vështirësisë që do të ndeshim në heqjen e kunjit dhe kurdo që i druhemi kësaj mundësie indikohet që të paralajmërohet pacienti për endodoncinë kirurgjikale që nëse përballohet me mënyra më të rafinuara si mikroskopia dhe mikroinstrumentimi, mund të rezervojë prognoza shumë të favorshme. Gjithçka bëhet pa qenë nevoja që të hiqen dhe të ribëhen punimet protetike që janë ende funksionale.

Nga këto konsiderata të shkurtra mund të kuptojmë lehtësisht sesa i artikuluar mund të jetë vendimi nëse duhet hequr apo jo kunji endokanalar. Në vija të përgjithshme, kunjat e futura të paktën deri në gjysmën e gjatësisë kanalare, shpesh janë me filetim (pra të vidhosura në brendësi të ndarjes kanalare) dhe janë lehtësisht të lëvizshme pikërisht nëpërmjet një lëvizjeje zhvidhosjeje.
Kunjat e tjera që janë në treg të pre-formuara, në titan ose në çelik, hiqen me anë të vibrimeve ultrasonike, të shoqëruara ose jo nga instrumente për ekstraktimin e kunjave.
Pra, nuk këshillohen ekstraksionet e kunjave me gjatësi më të madhe se dy të tretat e rrënjës, veçanërisht ato në të cilat për shkak të morfologjisë është i kuptueshëm adaptimi kanalar me shtrëngim, tipik i kunjave të realizuara në laborator.
Së fundmi, por jo për nga rëndësia, kunjat shpesh janë përgjegjëse për tablotë patologjike të lidhura me frakturat radikolare, prandaj në diagnozën diferenciale gjithmonë është mirë që të shmanget kjo ngjarje sepse nëse neglizhohet mund t'i sjellë pacientit një vuajtje të padobishme dhe dentistit një humbje kohe pa rezultat.

Punimi origjinal: