Silantët kanalarë të shtuar me antibakterialë

Një studim pilot amerikan ka hetuar cilësitë mekanike dhe efikasitetin antibakterial

Nga Figini Lara

Pavarësisht të gjitha përpjekjeve të endodontistëve për të dezinfektuar më së miri sistemin kanalar pas mbushjes me gutaperka, sidoqoftë ngelen mbetje bakteresh që mundësisht janë në gjendje që të provokojnë një sëmundje endodotike të vazhdueshme. Shpesh zona si istmi, kanalet laterale dhe parregullsitë e kanaleve radikolare mund të mbeten të paprekura gjatë përgatitjes sonë kemio-mekanike, ja përse silantët kanalarë që përmbajnë antibakterialë efikas mund të vijnë shumë në ndihmë për endodontistin.

Studime të literaturës dëshmojnë se pjesa më e madhe e silantëve paraqet cilësi antibakteriale afatshkurtër duke kryer një efekt vetëm me kontakt. Komponimet e amoniakut kuaternar (QA), janë materiale antibakteriale që përmbajnë grupe të aminave kuaternare të ngarkuara pozitivisht në gjendje që të tërheqin membranën qelizore bakteriale të karikuar negativisht, ta penetrojnë dhe ta ndërpresin atë. Gjithashtu argjendi është një agjent antibakterial me një aspekt të gjerë me citotoksicitet të ulët dhe me kapacitet për të inhibuar replikimin e ADN-së së baktereve.

Kur reduktohet në një shkallë nanometrike, zona sipërfaqësore e rritur e qelizave të argjendit ushtron një efekt të fuqishëm antibakterial me përqendrime më të ulëta. Nanosilver që përmban rezinë (NAG) paraqet një inhibim kontakti si rezina që përmban QA dhe për më tepër ushtron efekte antibakteriale dhe në distancë nga sipërfaqja e rezinës.

Tipologjia e kërkimit dhe mënyra e analizimit
Në një studim in vitro, të publikuar në Journal of Endodontics në tetor 2018, studiohen karakteristikat fizike dhe antibakteriale të një silanti me rezinë kanalare të përzier me një kompleks të amoniakut kuaternar, dimetilaminododecilmetakrilat (DMAHDM) dhe nanosilver (NAG).

Është plotësuar një studim pilot për të përcaktuar përqendrimet më të larta të DMAHDM dhe NAG në gjendje që të mos çrregullojnë në mënyrë domethënëse cilësitë fizike (koha e forcimit, fluiditeti, tretshmëria dhe variacioni dimensional) të cementit kanalar AH Plus (Dentsply Sriona, York, PA) kur arrin te silanti në fjalë.

Këto përqendrime janë seleksionuar për të krijuar një silant me rezinë të modifikuar (mAH Plus). Një test me kontakt direkt të modifikuar ka vlerësuar cilësitë antibakteriale të AH Plus, DMAHDM + AH Plus, NAg + AH Plus dhe mAH Plus pas 1,7 dhe 14 ditësh në krahasim me Enterococcus faecalis.

Rezultate
Në AH Plus të shtuar me 2,5% DMAHDM dhe 0,15% NAG autorët e studimit nuk kanë hasur ndryshime domethënëse në forcimin, tretshmërinë apo variacionet dimensionale.

Ditën e parë, 0,15% NAG + AH Plus, 2,5% DMAHDM + AH Plus dhe mAH Plus ishin në mënyrë domethënëse më efikas kundër E. faecalis në krahasim me AH Plus (P <0,05). Në ditët nga 7 në 14, 2,5% DMAHDM + AH Plus dhe mAH Plus kanë vazhduar që të jenë në mënyrë domethënëse më antibakterial se AH Plus (P <.05).

Konkluzione
Nga të dhënat e zbuluara nga ky studim pilot mund të dalim në përfundimin se shtimi i 0,15% NAG dhe 2,5% DMAHDM nuk ndikon negativisht në cilësitë fizike të AH Plus dhe që mAH Plus dëshmohet në mënyrë domethënëse më antibakterial kundër E. faecalis në krahasim me AH Plus origjinal.

Këto rezultate sigurisht pasi derivojnë nga një studim pilot duhet të gjejnë konfirmim në studime të tjera që të propozojnë një kampion me dimensione më të mëdha.

Implikimet klinike
Nëse këto rezultate in vitro do të gjenin rezultate të barabarta dhe në nivel klinik në distancë, silantët kanalar si AH Plus të shtuar me nano silver dhe amoniak kuaternar mund të përfaqësojnë një ndihmë të vlefshme për të shmangur patologjitë endodontike periapikale të përsëritura.

Për më tepër
Seung J, Weir MD, Melo MAS, Romberg E, Nosrat A, Xu HHK, Tordik PA. A modified resin sealer: physical and antibacterial properties. J Endod 2018 Oct;44(10):1553-7.

Përktheu: Erjola Taga