Ritrajtime në endodonci

Një zgjedhje e detyruar në stomatologjinë moderne

Nga Gagliani Massimo

Patologjitë periapikale me origjinë endodontike hasen në një numër dhëmbësh mjaft të ulët, duke folur në përqindje; megjithatë nëse këto konsiderohen problematike në një pacient të veçantë, kuptohet lehtë sa i rëndësishëm është impakti i këtyre situatave klinikë mbi popullsinë pasi janë me miliona individët që vuajnë nga këto probleme në formë akute apo kronike.

Për të mos folur më pas për përkeqësimet akute të tyre që çojnë në formimin e absceseve pak a shumë të rëndësishëm për gjendjen fizike të përgjithshme të pacientit. Do të mjaftonin këto dy rrethana për të futur këto eventualitete ndër sëmundjet më domethënëse në fushën e odontostomatologjisë.

Por ka akoma; patologjitë periapikale duke filluar nga endodontium i infektuar janë shpesh të lidhura me trajtimet endodontike të mëparshme që nuk janë kryer mirë; disa sondazhe epidemiologjike raportojnë një prevalencë prej 50% të dhëmbëve të trajtuar, disa madje dhe më të lartë dhe kjo e dhënë nuk duket se po zvogëlohet me kalimin e viteve. Për ta përmbyllur duhet shtuar fakti se zgjatja e jetës mesatare çon pacientët që të kërkojnë të ruajnë gjithmonë e më shumë dhëmbët dhe si pasojë të duhet të trajtojnë këto situata klinike në pacientë të moshuar me patologji sistemike ndërhyrëse.

Kuptohet lehtë sa i mundimshëm është rrugëtimi jo vetëm për problematikat diagnostikuese shpesh të fshehta por edhe për vështirësitë teknike të kalueshme veçanërisht nëpërmjet përdorimit të instrumenteve dhe materialeve të përshtatshme.

Mbi këtë temë EDRA po publikon librin "Ritrajtime. Zgjidhje dhe terapi të patologjive periapikale me origjinë endodontike" - kuruar nga Pio Bertani, Massimo Gagliani dhe Fabio Gorni - në të cilin merren në shqyrtim proceset diagnostikuese dhe terapeutike më moderne për të mposhtur patologjitë periapikale me origjinë endodontike në dhëmbë që do të kishin përftuar tashmë trajtime kanalare në epokat e mëparshme.

Vëllimi (që del në Nëntor) i pasur me imazhe dhe skema sqaruese mbi proceset klinike që duhen kryer, lind nga vullneti i grupit Style Italiano Endodontics, drejtuar nga dy themeluesit: Fabio Gorni dhe Pio Bertani.

Përktheu: Erjola Taga

Më poshtë punimi origjinal: