Kariesi zhvillohet më pak gjatë periudhës së kopshtit nëse formimi për mbajtjen e higjienës orale merret që nga vizitat pediatrike

Fëmijët që marrin një shërbim parandalues me synim shëndetin oral te vizitat mjekësore në fushën e kujdesit primar pediatrik përpara moshës 3 vjeçare kanë më pak probabilitet për të pasur probleme dentare gjatë viteve të kopshtit, sipas një studimi të publikuar te Pediatrics dhe të koordinuar nga Gary Rozier (Departamenti i stomatologjisë pediatrike në Shkollën e stomatologjisë në Universitetin e Karolinës së Veriut në Chapel Hill). Duke qenë se pjesa më e madhe e programeve Medicaid rimbursojnë furnizuesit e shërbimeve jo stomatologjike për parandalimet dentare, studiuesit kanë analizuar në mënyrë retrospektive të dhënat e Medicaid në lidhje me 29.000 fëmijë nga shkolla fillore, banues në Karolinën e Veriut të cilët kanë marrë shërbime parandaluese mes të cilave vlerësimin e rrezikut të patologjisë dentare dhe formimin e prindërve përsa i përket temës së shëndetit oral në një kontekst të ndihmës së parë pediatrike përpara moshë 3 vjeçare. Rezultatet e marra janë bashkuar më pas me të dhënat e vëzhgimit të shëndetit publik, në të njëjtën periudhë kur janë grumbulluar të dhënat Medicaid.

"Qëllimi ishte të stimulohej impakti i shërbimeve të parandalimit të plotë të shëndetit oral për kariesin e dhëmbëve te fëmijët e shkollës fillore, duke supozuar një përmirësim tek ata që kishin kryer vizitat pediatrike për parandalimin e plotë të shëndetit oral në krahasim me ato që nuk kishin kryer këto vizita" kanë shpjeguar studiuesit. Dhe pasi janë kryer llogaritjet e nevojshme statistikore, studiuesit kanë zbuluar se fëmijët që i janë nënshtruar ¼ ose më shumë vizitave pediatrike që përfshinin higjienën orale kishin më pak dhëmbë me karies ose nuk kishin fare në krahasim me fëmijët që nuk i ishin nënshtruar këtyre vizitave, me një reduktim mesatar me 18% të normës së patologjive orale. Rozier përfundon: "Shërbimet për parandalimin e plotë të shëndetit oral që i janë dhënë fëmijëve si kujdes parësor lidhen me reduktimin e kariesit, por nuk përmirësojnë shërbimet e asistencës së posaçme stomatologjike. Pra janë të nevojshme strategji të reja për të promovuar shëndetin oral duke garantuar vazhdimësinë ndërmjet kujdesit pediatrik dhe atij stomatologjik të këtyre fëmijëve".

Përktheu: Valbona Spahia