Ndryshimet anatomike radikolare dhe morfologjike të sistemit kanalar

Raca kaukaziane kundrejt racës aziatike

Nga Figini Lara

Raca aziatike dhe ajo kaukaziane janë dy grupet etnike me prevalenën më të madhe në të gjithë botën. Ndër to janë dokumentuar paraprakisht diversitete si morfologjike ashtu dhe anatomike dhe gjithashtu ndryshime në prevalencën e disa patologjive të caktuara.

Në nivelin stomatologjik pak janë në realitet studimet që janë marrë me vërtetimin e ndryshimeve midis racave të ndryshme në fushën anatomike radikolare dhe dentare.

Tipologjia e kërkimit dhe mënyra e analizimit
Në një studim të publikuar në Journal of Endodontics të korrikut 2018 krahasohen ndryshimet anatomike që kanë të bëjnë me kanalet radikolare dhe rrënjët në nënpopullsitë aziatike dhe kaukaziane të analizuara nëpërmjet ndihmës së tomografisë së kompjuterizuar me fashë konike (CBCT), të rikuperuara nga 2 data baza në Suzhou (Kinë) dhe në Lisbonë (Portugali).

Dy ekzaminues ekspert kanë mbledhur të dhënat që kanë të bëjnë me numrin e rrënjëve dhe konfigurimin e sistemit kanalar sipas klasifikimit të Vertucci për të gjithë grupet e dhëmbëve. Janë analizuar një total prej 15.655 dhëmbësh.

Testi Z për grupet e pavarura është përdorur për të analizuar ndryshimet midis grupeve. Është konsideruar niveli i domethënies për një vlerë P < .05. Midis ekzaminuesve janë kryer teste të besueshmërisë.

Rezultate
Nga rezultatet e këtij studimi janë vërtetuar ndryshime në numrin e rrënjëve për dhëmb në 6 grupe me dhëmbë. Grupi aziatik ka dëshmuar një prevalencë më të madhe të rrënjës teke në premolarët e parë maksilarë (83,2%) dhe në molarët e dytë mandibularë (45,4%) në krahasim me kaukazianët në të cilët vlerat kanë rezultuar të jenë respektivisht 48,7% dhe 14,3%.

Gjithashtu, konfigurimi me 3 rrënjë në molarët e parë mandibularë ka rezultuar të jetë më i zakonshëm tek aziatikët (25,9%) në krahasim me kaukazianët (2,6%). Shtatëmbëdhjetë nga njëzet rrënjët e analizuara kanë shfaqur një prevalencë më të madhe të konfigurimit kanalar sipas klasifikimit të Vertucci, të llojit I tek aziatikët.

Tek kaukazianët është hasur një prevalencë më e madhe në krahasim me aziatikët (respektivisht, 71,3% dhe 58,4%) te premolarët e parë maksilarë me kanalin e dytë meziobukal. Një situatë e ngjashme është hasur dhe te molarët e dytë maksilarë.

Konkluzione
Grupi etnik aziatik në bazë të të dhënave të këtij studimi paraqet një prevalencë më të lartë të konfigurimit kanalar të Vertucci të llojit I, ndërsa grupi kaukazian tregon një numër më të madh të morfologjive të sistemit kanalar me rrënjë të shumëfishta.
Implikimet klinike
Në një popullsi multietnike si kjo aktuale, stomatologu duhet të jetë në dijeni të ndryshimeve anatomike/morfologjike endodontike-dentare që lidhen me grupet e ndryshme etnike.

Aziatikët dhe kaukazianët paraqesin ndryshime në numrin e rrënjëve po t'i referohemi llojeve të ndryshëm të dhëmbëve dhe në konfigurimet e sistemit kanalar.

Kaukazianët janë më të prirur që të paraqesin më shumë sisteme kanalare, ndërsa aziatikët janë më të prirur për të paraqitur konfigurime me 3 rrënjë dhe kanale në formën e shkronjës C, respektivisht në mandibularin e parë në molarin e dytë mandibular.

Për më tepër:
• Vertucci FJ. Root canal anatomy of the human permanent teeth. Oral Surg Oral Med Oral Pathol 1984;58:589-99.
• Martins JNR, Gu Y, Marques D, Francisco H, Caramês J. Differences on the root and root canal morphologies between Asian and White Ethnic Groups analyzed by Cone-beam Computed Tomography. J Endod 2018 Jul;44(7):1096-104.

Përktheu: Erjola Taga