Revolucion në endodonci? Studime pozitive mbi një sistematikë të re për terapinë kanalare

A ka mbërritur fundi i instrumenteve endodontike? Mund të jetë një lajm i mirë për "jo-dashuruesit" e formësimit kanalar.
Në studimin multicentrik të kryer në 45 pacientë me elemente dentare me pulpë të prekur nga patologji të pakthyeshme, njëkohësisht me lezione periapikale të dimensioneve më të mëdha se 3 mm autorët kanë hasur një përqindje suksesi të konsiderueshme.

Detaji i studimit, siç është thënë, ka qenë kryerja në 45 elemente dentare me lezione periapikale me origjinë endodontike, të dukshme në testin radiografik. Procedura e instumentimit parashikonte një akses normal në dhomën pulpare, nuk janë përdorur instrumente për të zgjeruar hyrjet e kanaleve për të ruajtur strukturën dentare.

File manuale ISO 10 ose 15 janë përdorur për të testuar hapësirat kanalare deri në gjatësinë e punës së dëshiruar; në gjatësinë e radhës janë përdorur file në aliazh Nikel Titan me diametër apikal ISO 20 dhe formë koni më të madhe se .06.
Në këtë pikë instrumenti Multisonik për irrigimin aktiv (GentleWave Procedure, Sonendo, USA) është përdorur për të hequr të gjithë materialin nekrotik dhe komponentin bakterial.

Mbushja është kryer me gutaperka dhe kondensim vertikal dhe një cement me rezinë (AH Plus, Dentsply Sirona, USA).

44 dhëmbë janë kontrolluar pas një viti, 97,7% e dhëmbëve ishin konsideruar të vlefshëm nga ana funksionale, 36 nga 44 dhëmbë duhet të paraqisnin një regresion të patologjisë periapikale që të konsideroheshin të shëruar dhe 7 një zvogëlim të dimensioneve. Një element dentar është ekstraktuar.

"Sistemi GentleWave "- mbështesin kërkuesit - "megjithëse në një kampion të vogël pacientësh, ka dëshmuar rezultate shumë interesante; përdorimi i instrumenteve endodontike për të kryer një riprodhim të lumenit kanalar është gjithmonë i nevojshëm por kapaciteti i pastrimit, dëshmuar nga përqindja e lartë e të shëruarve e vërejtur për 12 muaj nga sistemi duket shumë interesante, e denjë që të vlerësohet në rrethana të tjera klinike dhe me një numër më të madh rastesh të vërejtura për një kohë më të qëndrueshme".

Nën kujdesin e: Prof. Massimo Gagliani, Koordinator Shkencor Fusha Stomatologjike grupi EDRA

Për më tepër:
Journal of Endodontics 2017 (in press) - Healing of Periapical Lesions after Endodontic Treatment with the GentleWave Procedure: A Prospective Multicenter Clinical Study. Asgeir Sigurdsson, DDS, MS, Randy W. Garland, DDS, Khang T. Le, DDS,‡ and Shahriar A. Rassoulian, DMD

Përktheu: Erjola Taga