Minikursi në video me titull "Projektimi, zbatimi dhe monitorimi i mbrojtjes okluzale në përputhje me fiziologjinë orale. Pjesa e parë: Realizimi i pllakës mbrojtëse" propozon një ilustrim të thjeshtë dhe intuitiv të një trajtimi stomatologjik me pllaka okluzale te pacientët me shëndet të mirë të aparatit stomatognatik. Detajimi i të gjitha fazave operative jepet me synim për të pasur një proces të personalizuar që të pasqyrojë kuadrin klinik të pacientit nga këndvështrimi morfologjik dhe funksional.

Në këtë pjesë të tretë të kursit prezantohet një video ku jepen hapat themelore për një pozicionim korrekt të pllakës me një verifikim fillestar klinik të përshtatjes dhe qëndrueshmërisë së produktit dhe pastaj të pozicionit e numrit të kontakteve okluzale. Pra përshkruhet mënyra me të cilën bëhet vendosja e pllakës. Kur përmbushen kërkesat klinike, vijohet me kontrollin instrumental (sEMG) të ekuilibrit neuromuskular gjatë mbylljes maksimale të dhëmbëve me ose pa pllakë, e cila mund kërkojë modifikime të mëtejshme. Në rastin e takimit në pllakë të kontakteve okluzale që pengojnë aktivitetin e muskujve përtypës, procedohet me eliminimin e ndërhyrjeve të tilla. Përfundon kështu instalimi i pajisjes pas formësimit dhe lustrimit përfundimtar të saj.