Alarmi i ADA. Tendenca e pijeve alternative të reklamuara në TikTok është e dëmshme për dhëmbët tuaj

Hulumtimet tregojnë se acidet e pranishme në pijet pa sheqer mund të gërryejnë smaltin e dhëmbëve. Ndërkohë, një recetë që përzien ujin e gazuar të aromatizuar me uthull balsamike, me...

Hulumtimet tregojnë se acidet e pranishme në pijet pa sheqer mund të gërryejnë smaltin e dhëmbëve. Ndërkohë, një recetë që përzien ujin e gazuar të aromatizuar me uthull balsamike, me qëllim krijimin e një alternative që supozohet të jetë "më e shëndetshme" se pija që është kthyer në trend në TikTok.

Ky hulumtim, i publikuar në revistën online, JADA Foundational Science, ofron një përditësim mbi rëndësinë e kufizimit të konsumit të pijeve acide. Nxitja fillestare për shtimin e ndërgjegjësimit të pacientëve mbi përdorimin e pijeve të ndryshme që shkaktojnë erozion dentar ishte një sërë videosh që u bënë të njohura në TikTok për krijimin e koka-kolave të rreme: uthulla balsamike (acid) i shtohet ujit të gazuar të aromatizuar (pije acide).

"Më pëlqen uthulla balsamike, por më pëlqen më shumë në sallatë sesa si pije. Këtë do ta vlerësonin edhe më shumë dhëmbët tuaj, të cilëve nuk u pëlqen të zhyten në një pije që përbëhet nga dy acide. Sa më acide të jetë pija, aq më i madh do të jetë rreziku i erozionit dentar nga konsumi i saj i shpeshtë", pranoi dr. Edmond Hewlett, zëdhënës i Shoqatës Amerikane të Stomatologjisë (ADA).

Ushqimet dhe pijet acide, në fakt, mund të dëmtojnë smaltin që mbron dhëmbët, duke shkaktuar erozionin dentar. Erozioni dentar është i përhershëm dhe mund të lejojë krijimin e baktereve që shkaktojnë karies ose infeksione. Gjithashtu, mund të bëjë që dhëmbët të duken të zbardhur, pasi smalti i bardhë konsumohet duke ekspozuar shtresën e poshtme të verdhë, të quajtur dentinë.

Metodologjia dhe rezultatet e kërkimit
Në studim, studiuesit donin të shihnin nëse uji në shishe, uji i gazuar i aromatizuar dhe uji i thjeshtë me gaz mund të shkaktonin erozion dentar. Dhëmbët e njeriut (të sapohequra) u zhytën në 7 pije të ndryshme pa sheqer (dhe në një pije të ëmbël për kontroll) për të parë se cilat prej tyre shkaktuan erozion.
Dhëmbët u ekspozuan për njëzet e katër orë, gjë që studiuesit e konsideruan si ekspozim njëvjeçar ndaj këtyre pijeve. Duke matur rezultatet e pijeve që përmbajnë sheqer kundrejt atyre pa sheqer, ata zbuluan se në të dyja rastet acidet shkaktonin erozion të smaltit të dhëmbëve. Lloji i ëmbëlsuesit të përdorur ishte më pak i rëndësishëm, pasi ishte acidi në pije që e gërryente smaltin.

Studiuesit vëzhguan gjithashtu një erozion të mundshëm nga pirja e ujërave të gazuar të aromatizuar, megjithëse ishte inferior në krahasim me atë të konstatuar te pijet joalkoolike me ose pa sheqer. Pijet e vetme që u zbulua se nuk ishin gërryese ndaj smaltit ishin ujërat jo të gazuar dhe jo të aromatizuar.

Konsumi i ushqimit dhe i pijeve acide
Megjithëse receta e TikTok nuk u përfshi në studim, ajo që ofron është e ngjashme me pijet e tjera acide pa sheqer që janë testuar. "Njerëzit i konsumojnë pijet e gazuara freskuese, por ato duhen shijuar me moderim dhe mundësisht të gjatë vakteve, por nëse keni dëshirë të pini diçka që është në të vërtetë e mirë për shëndetin tuaj dentar, uji i thjeshtë, duke përfshirë ujin e rubinetit të fluorizuar, ose qumështin janë gjithmonë zgjedhjet më të mira", këshillon dr. Hewlett.

Për të reduktuar rrezikun e erozionit dentar të shkaktuar nga ushqimi dhe pijet, Shoqata Amerikane e Stomatologjisë ofron disa sugjerime, si më poshtë vijon:
• Përdorni një pipë, pini dhe gëlltituni (mos e mbani lëngun në gojë më gjatë sesa duhet)
• prisni një orë pasi të keni ngrënë/pirë përpara se të lani dhëmbët me furçë, në mënyrë që pështyma të ketë mundësinë të lajë natyrshëm acidet dhe të ngurtësojë përsëri smaltin
• shpëlajeni gojën me ujë, pini qumësht ose shijoni një sanduiç me djathë menjëherë pas konsumit. Produktet e qumështit dhe ushqimet e tjera të pasura me kalcium mund të ndihmojnë në neutralizimin e acideve
• Ruani rrjedhën e pështymës për të mbajtur nën kontroll acidet dhe për të mbrojtur dhëmbët. Këtë mund ta bëni duke përtypur çamçakëz pa sheqer.
• Përpiquni të përdorni produkte të shëndetit të dhëmbëve, të tilla si pasta e dhëmbëve për kontrollin e erozionit të smaltit dhe çamçakëz pa sheqer, ndoshta me logon e miratimit nga Shoqata Amerikane e Stomatologjisë, që tregon se produkti është vlerësuar në mënyrë rigoroze dhe të pavarur, nga ekspertët dentarë të ADA-s.
• Favorizoni çdo ditë shëndetin e mirë oral, duke i pastruar dy herë në ditë dhëmbët me pastë me fluor, duke pastruar mes dhëmbëve me fill dentar çdo ditë dhe duke ndjekur një dietë të shëndetshme që kufizon konsumin e ushqimeve dhe pijeve me sheqer. Së fundi, vizitohuni rregullisht te dentisti.