Tirane | 19 mars

Më 19 mars “Dita Botërore e Shëndetit Oral II”

Zhvillohet në datë 19 mars 2016, në ambientet e Hotel Tiranës, konferenca me temë "Dita Botërore e Shëndetit Oral II", e cila organizohet nga Shoqata Dentare Shqiptare në bashkëpunim me Shoqatën Shqiptare të Dentistrisë Pediatrike dhe Shoqatën Dentare të Studentëve të Shqipërisë.

Afati përfundimtar për regjistrimin në këtë event është data 16 mars 2016, por SHDSH saktëson se në rast plotësimi të numrit të pjesëmarrësve të caktuar nga QKEV, regjistrimet do të mbyllen edhe më herët.

Ditën e zhvillimit të aktivitetit pjesëmarrësit duhet të kenë me vete një mjet identifikimi dhe faturën e pagesës së aktivitetit. Për këtë të fundit anëtarët e SHDSH dhe SHSHDP do të paguajnë 1000 lekë, ndërsa jo-anëtarët e këtyre shoqatave do të paguajnë 2000 lekë pranë bankës Raiffaisen.

Ndonëse nuk bëhet i ditur numri i krediteve për këtë aktivitet, SHDSH thekson se vetëm mjekët që do të marrin pjesë personalisht në të do t'ju dërgohet emri në Qendrën Kombëtare të Edukimit në Vazhdim për kreditet, ndërsa kuota e paguar nuk kthehet.