Saktësia e grafive bite-wing ekstraorale kundrejt radiografive bite-wing intraorale. Udhëzime nga literatura

Për diagnozën e kariesit interproksimal dhe për të vlerësuar nivelin e kockës së kreshtës testi radiografik i përdorur në pjesën më të madhe dhe i konsideruar i besueshëm përfaqësohet nga Bite-wing intraoral.
Në 10 vitet e fundit janë zhvilluar disa njësi radiografike panoramike që gjenerojnë radiografi bitewing ektraorale (EB) duke përdorur sensorë dixhital dhe studime të ndryshme në literaturë, in vivo dhe in vitro, kanë dëshmuar rezultate premtuese për diagnostikimin e kariesit interproksimal (Gaalaas 2016; Abdinian 2015; Kamburoglu 2012).

Sipas një studimi të kohëve të fundit të publikuar në Jada në janar 2018 radiografia bite-wing EB është një teknologji premtuese që paraqet avantazhe në krahasim me radiografinë bite-wing IB tradicionale. Por autorët e këtij studimi nënvizojnë edhe që stomatologët duhet të jenë në dijeni që me metodën ekstraorale të ketë më shumë pozitivë fals me karies interproksimal dhe humbje kockore.

Në këtë studim in vivo është krahasuar saktësia e radiografisë bitewing intraorale (IB) në krahasim me atë të përftuar me radiografinë bitewing ekstraorale EB duke rekrutuar 116 pacientë.
5 Autorët e studimit kanë kryer një diagnozë radiografike për praninë e kariesit interproksimal dhe humbjes së kockës së kreshtës Për të gjithë 116 pacientët janë kryer më parë radiografitë tradicionale IB dhe më pas radiografitë bitewing ekstraorale EB duke përllogaritur ndjeshmërinë, specifikat dhe shkallën e pozitivëve fals.
Rezultatet e përftuara nga autorët kanë treguar se radiografitë EB kanë dëshmuar një numër shumë më të madh të kariesit interproksimal dhe të diagnozave për humbjen kockore të kreshtës në krahasim me bitewing tradicional intraoral IB. Në studimin në fjalë radiografitë EB kanë dëshmuar një ndjeshmëri të lartë (94,50%), specifika të ulëta (26,86%) dhe një shkallë të pozitivit fals prej 73,14% për diagnozën e humbjes kockore.
Duke konsideruar radiografitë IB si referim, shkalla e pozitivëve fals për radiografitë EB ka rezultuar të jetë e moderuar për sa i përket kariesit interproksimal dhe të lartë për diagnozën e humbjes kockore.
Në bazë të rezultateve të këtij studimi radiografitë EB gjenerojnë më pak imazhe të sipërfaqeve proksimale të mbivendosura dhe kanë avantazhin që të zbulojnë më shumë lezione karioze dhe më shumë diagnoza të humbjes kockore në krahasim me radiografitë tradicionale IB, por me disavantazhin që të ofrojnë më shumë pozitivë fals. Janë të nevojshme kërkime të mëtejshme për të konfirmuar këto të dhëna.

Stomatologët duhet të kujtojnë gjithashtu se radiografitë IB tradicionale nuk janë shumë të ndjeshme për zbulimin e lezioneve karioze të hershme dhe shpesh ky lloj hetimi radiografik nënvlerëson thellësinë e vetë lezioneve karioze (Wenzel 2014; Sansare 2014).
Përdorimi i radiografive EB ofron avantazhe të shumta në krahasim me radiografitë IB, por ka një kosto më të madhe për pajisjet dhe risk më të madh për të eksperimentuar pozitivë fals. Mjekët duhet të vlerësojnë kështu nga rasti në rast avantazhet dhe disavantazhet e të dy metodikave që të vendosin se cilës t'i besojnë në çdo rrethanë të veçantë.

Nën kujdesin e: Lara Figini, Koordinatore Shkencore Odontoiatria33

Për më tepër:
• Gaalaas L, Tyndall D, Mol A, Everett ET, Bangdiwala A. Ex vivo evaluation of new 2D and 3D dental radiographic technology for detecting caries. Dentomaxillofac Radiol. 2016;45(3):20150281.
• Abdinian M, Razavi SM, Faghihian R, Samety AA, Faghihian E. Accuracy of digital bitewing radiography versus different views of digital panoramic radiography for detection of proximal caries. J Dent (Tehran). 2015;12(4):290-297.
• Kamburoglu K, Kolsuz E, Murat S, Yüksel S, Ozen T. Proximal caries detection accuracy using intraoral biteëing radiography, extraoral biteëing radiography and panoramic radiography. Dentomaxillofac Radiol. 2012; 41(6):450-459.
• Wenzel A. Radiographic display of carious lesions and cavitation in approximal surfaces: advantages and drawbacks of conventional and advanced modalities. Acta Odontol Scand. 2014;72(4):251-264.
• Sansare K, Raghav M, Sontakke S, Karjodkar F, Wenzel A. Clinical cavitation and radiographic lesion depth in proximal surfaces in an Indian population. Acta Odontol Scand. 2014;72(8):1084-1088.
• Accuracy of extraoral bite-wing radiography in detecting proximal caries and crestal bone loss. Micah Chan; Tenzin Dadul; Robert Langlais; David Russell; Mansur Ahmad JADA gen 2018:149(1):51-58

Përktheu: Erjola Taga