Erozionet dentare, shkaqet dhe kurimi. Në literaturë përfitimet e përdorimit të pastave specifike të dhëmbëve

Erozioni dentar është një problem i zakonshëm në shoqërinë moderne dhe një nga shkaqet është rritja e konsumit të pijeve acide pavarësisht atyre të gazuara, pijeve joalkoolike, pijeve për sportistët, lëngjeve të frutave që kanë dëshmuar se kanë një potencial të lartë në demineralizimin e smaltit dentar dhe të erozionit pasues. Mbi të gjitha në popullsinë e re zakonet dietetike të gabuara të kombinuara me një higjienë orale të pamjaftueshme apo jokorrekte kanë çuar në rritjen eksponenciale të fenomeneve erozive të smaltit.
Acidi kryesor i përfshirë në fenomenin e erozionit është acidi citrik, përbërës i shumë lëngjeve të frutave, pijeve acide pa alkool dhe të gazuara.

Smalti dentar është i përbërë nga 95% hidroksiapatit kalciumi, 4% ujë dhe rreth 1% lëndë organike. Studime të ndryshme në literaturë kanë dëshmuar se zakoni për të marrë rregullisht dhe shpesh gjatë rrjedhës së ditës pije të gazuara me karbonat, lëngje frutash dhe pije të tjera acide mund të ndikojnë në mikro fortësinë sipërfaqësore të smaltit dentar dhe në mënyrë afatgjatë kanë predispozitën ndaj erozionit të mirëfilltë, sidomos në dhëmbët e përhershëm. Megjithatë, pH i një substance ushqyese vetëm nuk mund të shkaktojë erozion por duhet të lidhet me faktorë të tjerë kimikë (vlera e pKa, karakteristika të adezionit dhe kelatimit, përmbajtjes së kalciumit, fosfatit dhe fluorurit), të sjelljes (zakone ushqyese, stil jete, konsum i tepërt i acideve) dhe biologjikë (përbërja e pështymës, përbërja e dhëmbëve, anatomia e indit dentar dhe indit të butë).

Rekomandime për pacientët në risk për erozion dentar janë:
• reduktimi i ekspozimit ndaj acidit, duke reduktuar frekuencën dhe kontaktin me këto pije acide dhe të gazuara
• mbajtja korrekte e higjienës orale në shtëpi dhe asaj profesionale
• kryerja në mënyrë profesionale e trajtimeve orale për rimineralizimin e smaltit dentar tashmë të kompromentuar ose që duhet t'i nënshtrohet manovrave parandaluese.
Pastat e dhëmbëve janë konsideruar mjete efikase dhe lehtësisht të aksesueshme për të përmirësuar rezistencën e smalteve dentare ndaj sulmeve erozive. Pastat e dhëmbëve me fluor kanë një farë efekti parandalues kundër fenomeneve erozive të gjeneruara nga pije të gazuara dhe acide si coca cola (Barbour 2007).
Vitet e fundit janë futur më pas në treg formulime të reja të pastave të dhëmbëve me bazë të hidroksiapatit të zinkut (Zn-HAP) që kanë mundësuar rezultate të mira mbi riparimin e erozionit të smaltit dentar, më të mira në krahasim me pastat e dhëmbëve me dhe pa fluorur.

Nën kujdesin e: Lara Figini, Koordinatore Shkencore Odontoiatria33

Për më tepër:
• J Int Soc Prev Community Dent. 2016 Jul-Aug; 6(4): 344-348. Comparison of the microhardness of primary and permanent teeth after immersion in two types of carbonated beverages. Hamid R. Haghgou, Roza Haghgoo, and Fatemah Molla Asdollah.
• J Clin Exp Dent. 2017 Jul; 9(7): e861-e868. Remineralizing effect of a zinc-hydroxyapatite toothpaste on enamel erosion caused by soft drinks: Ultrastructural analysis. Marco Colombo, Maria Mirando, Davide Rattalino, Riccardo Beltrami,Marco Chiesa, and Claudio Poggio.
• Ganss C.Definition of erosion and links to tooth wear. In: Lussi A, ed. Dental Erosion.Augusta: Karger; 2006. pp. 9-16.
• West NX, Seong J, Hellin N, Eynon H, Barker ML, He T. A clinical study to measure antierosion properties of a stabilized stannous fluoride dentifrice relative to a sodium fluoride/triclosan dentifrice.Int J Dent Hyg.2017;15:113-9.
• Lussi A, Schlueter N, Rakhmatullina E, Ganss C. Dental Erosion - an overview with emphasis on chemical and histopathological aspects.Caries Res.2011;45:2-12.
• Lussi A, Jaeggi T, Zero D. The role of diet in the aetiology of dental erosion.Caries Res.2004;38:34-44.
• Sauro S, Mannocci F, Piemontese M, Mongiorgi R. In situ enamel morphology evaluation after acidic soft drink consumption: protection factor of contemporary toothpaste.Int J Dent Hygiene.2008;6:188-192.
• Barbour ME, Finke M, Parker DM, Hughes JA, Allen GC, Addy M. The relationship between enamel softening and erosion caused by soft drinks at a range of temperatures.J Dent.2007;34:207-13.

Përktheu: Erjola Taga