Restaurimet direkte në kompozitë: potencialet e një sistemi me kompozitë universale

Zhvillimi i sistemeve moderne në rezinë kompozitë, i ka mundësuar mjekëve që të përftojnë rezultate gjithmonë e më performuese nga pikëpamja estetike dhe funksionale. Futja e grimcave të mbushjes me përmasa të ndryshme ka përmirësuar performancën duke lejuar kombinimin e rezultateve estetike optimale dhe karakteristikave shumë të mira biomekanike të materialit kompozitë dhe të kompleksit dhëmb-restaurim adeziv.

Edhe nga pikëpamja optike janë arritur përparime të rëndësishme. Jemi nisur nga kompozita opake me një tonalitet ngjyre dhe kemi arritur, sot, të kemi në dispozicion ngjyra të ndryshme, opacitet dhe translucencë në gjendje që të riprodhojë pothuajse të gjitha situatat klinike. Mundësia për të përdorur sistemin kompozitë universale, na lejon në fakt që të ballafaqohemi praktikisht me të gjitha situatat klinike që kërkojnë një trajtim adeziv të drejtpërdrejtë. Me sistemin kompozitë universale nënkuptohet një sistem që përfshin:

- ngjyra të ndryshme (pra ngjyrime të ndryshme, mundësisht relative me shkallën VITAL A, B, C dhe D)
- nuanca të ndryshme të ngjyrave të ndryshme (pra shkallë të ndryshme saturimi, për shembull A1-A4)
- masa opake
- masa shumë translucente
- masa smalti me ngjyrime të ndryshme dhe vlerë të ndryshme (shkëlqimi)

Mundësia për të bërë zgjedhje me pak masa në brendësi të një sistemi kompozitë të plotë do të na lejojë gjithashtu që të zgjidhim në mënyrë të parashikueshme situata të ndryshme klinike si në sektorët anterior, si në sektorët posterior.

Të dy rastet klinike të përshkruara në vijim paraqesin ndryshime në lidhje me topografinë, përmasat e kërkuara dhe kërkesat estetike dhe janë trajtuar me një seleksionim të synuar me pak masa të përfshira në një sistem me kompozitë universale (Mosaic, Ultradent, South Jordan, USA). Rasti i parë, është një rast post-traumatik i një sektori anterior i një pacienti të ri (fig. 1-5), rasti i dytë, ka të bëjë me shumë elemente posteriore të trajtuar në një seancë të vetme (fig. 6-19).

Materialin e plotë origjinal e gjeni duke klikuar këtu.

Përktheu: Erjola Taga