Niveli i faktorit të nekrozës tumorale TNF-α në pështymë. Tregues i progresionit të Lichen Planus Oral

Lichen planus oral (OLP) është një patologji inflamatore kronike me karakter autoimunitar por me një etiologji akoma jo shumë të qartë, prevalenca e së cilës shkon nga 1% në 2% në popullsinë në përgjithësi me një incidencë më të madhe te femrat. Sigurisht, është pasi në këtë patologji sistemi imunitar luan një rol domethënës. Tashmë studime të ndryshme referojnë rëndësinë e monitorimit rregullisht në pacientë me lichen planus oral, niveli i serumit të faktorit të nekrozës tumorale (TNF-a), është një ndërmjetës i rëndësishëm i inflamacionit, i përfshirë direkt në shpërndarjen dhe ndërtimin e indeve.
Autorët e rishikimit kanë kryer një kërkim të të gjithë artikujve në gjuhën angleze të publikuar në literaturë midis 1983 dhe 2016 duke përdorur fjalët kyçe "lichen planus oral" dhe "OLP" të kombinuara me "TNF-α" dhe "faktor të nekrozës tumorale" nëpërmjet databazës së PubMed/Medline, Science direct, Scopus, Web of Science dhe Cochrane Library.

Dy revizorë kanë vlerësuar në mënyrë të pavarur studimet për të përcaktuar nëse do të kënaqnin kriteret e përfshirjes dhe nëse do të kishte kundërshtime, është pyetur gjithashtu një recensues për të zgjidhur mosmarrëveshjen. Janë përfshirë në rishikim:
• Studime rast-kontroll raportuar në literaturën angleze
• Studime që vlerësonin nivelin e TNF-α në serum apo në pështymën e pacientëve me OLP
• Pacientët me OLP të diagnostikuar mbi bazën e testeve klinike, testeve histologjike apo të të dyve, sipas kritereve të përcaktuara nga Organizata Botërore e Shëndetësisë
• Studime në të cilat pacientët e kontrollit të shëndetshëm nuk ishin të prekur nga OLP dhe çdo sëmundje tjetër kutane dermatologjike apo sistemike
• Studimet në të cilat pacientët më OLP nuk kishin sëmundje të tjera dermatologjike apo sistematike
12 studime janë përfshirë në metanalizën finale të rishikimit. Nga metanaliza është zbuluar se nivelet e TNF-α në pështymë dhe në serumin e pacientëve me OLP ishin më të larta në krahasim me ato të kontrollit të shëndetshëm dhe që kjo diferencë në nivelet e pështymës ishte domethënëse (pështyma: 25,90 pg/mL; P<0,0000 vs serum: 1.65 pg/mL; P = 19; nivele TNF-α në pështymë ishin rreth 24,25 pg/ml më shumë se në serum).

Nga të dhënat e zbuluara nga kjo metanalizë mund të themi se matja e nivelit të TNF-α në pështymë mund të jetë më e dobishme në matjen e TNF-α në serum. Pështyma megjithatë ofron avantazhin e papërfillshëm në krahasim me serumin që mund të merret në mënyrë më të thjeshtë, të shpejtë dhe jo invazive me të njëjtën apo me besueshmëri më të lartë se serumi për qëllime diagnostikuese dhe terapeutike në rastet e OLP.

Nën kujdesin e: Lara Figini, Koordinatore Shkencore e Odontoiatria33

Për më tepër:
Salivary and serum levels of tumor necrosis factor-alpha in oral lichen planus: a systematic review and meta-analysis study. Hamid Reza Mozaffari, MazaherRamezan, Mohammad Mahmoudiahmadabadi, NedaOmidpanah, MasoudSadeghi. Oral Surgery, Oral Medicine, Oral Pathology and Oral Radiology Volume 124, Issue 3, September 2017, Pages e183-e189

Përktheu: Erjola Taga