Incidenca e faktorëve kolateralë në frakturën e implanteve

Fraktura e një implanti është një komplikim jo i shpeshtë në implantologji por gjithmonë përfaqëson një dështim. Faktorë të ndryshëm janë sugjeruar si shkaqe të mundshme etiologjike për frakturën e implantit dhe janë:
• një projektim jo korrekt i implantit
• adaptimi pozitiv i abutment
• mbingarkesa biomekanike
Incidenca e frakturave të implanteve sipas Berglundh et al., që kanë rishikuar 159 artikuj mbi komplikimet në implantologji për një periudhe prej 5 vitesh është inferiore me 1% (0,08 në 0,74%).
Frakturat e implanteve dentare janë shpesh të lidhura me reaksione inflamatore në njësinë e frakturës, me gjakrrjedhje gjatë sondimit dhe humbje të strukturës kockore dhe formim të xhepave periodontal pak a shumë të evidentuar.

Por cilët janë realisht faktorët që lidhen më së shumti me frakturat e implantit dhe me cilën frekuencë evidentohet fraktura?
Në një studim retrospektiv grupi në shtator 2017, të publikuar në Journal of Oral and Maxillofacial Surgery, janë mbledhur të dhëna nga dy qendra të implantologjisë dhe janë grupuar në kategoritë që vijojnë: aspekti demografik, pozicioni i implantit, karakteristikat fizike të implantit, lloji i lidhjes implant-abutment, lloji i protezës, lloji i mbajtjes.

Testi i Kaplan-Meier është përdorur nga autorët për të vlerësuar mbijetesën e implantit.
Një model i regresionit Cox është aplikuar për të vlerësuar efektin kohë-ngjarje të variablave mbi frakturën e implantit.

Rezultatet e përftuara nga autorët janë si vijon:
Nga 18.700 implante, 37 (0,002%) kanë pësuar fraktura. Risku i frakturave të implantit 1 vit dhe 5 vjet pas vendosjes ka qenë respektivisht prej 0,38 për 1.000 dhe 1.46 për 1.000. Frakturat e implantit janë verifikuar më shpesh në zonën premolare dhe në zonën molare (94,6%) në krahasim me zonat anteriore. Testi i korrelacionit Pearson nuk ka treguar asnjë korrelacion midis moshës së pacientit, diametrit të implantit, gjatësisë së implantit dhe kohës së frakturës (P>.05). Analiza e të dhënave nëpërmjet testit të log-rank ka dëshmuar një ndryshim domethënës për mbijetesën midis implanteve me kurora të cementuara dhe implanteve me kurora të vidhosura (P=.001). Modeli i regresionit Cox ka treguar një raport risku prej 0,23 për implantet konike kundrejt atyre cilindrike dhe për kurorat e vidhosura (raporti i riskut, 296,54) në krahasim me kurorat e cementuara.
Në bazë të rezultateve të këtyre studimeve mund të afirmojmë se incidenca e frakturave të implanteve është më e madhe për implantet konike dhe për protezat e vidhosura që kanë dëshmuar shkallë më të ulët të mbijetesës për shkak të frakturës së fixture.

Nën kujdesin e: Lara Figini, Koordinatore Shkencore e Odontoiatria33

Për më tepër:
• Berglundh T, Persson L, Klinge B: A systematic revieë of the incidence of biological and technical complications in implant dentistry reported in prospective longitudinal studies of at least 5 years. J Clin Periodontol 29(Suppl 3):197, 2002
• What Are the Incidence and Factors Associated With Implant Fracture? Tabrizi R, Behnia H, Taherian S, Hesami N. J Oral Maxillofac Surg. 2017 Sep;75(9):1866-1872.

Përktheu: Erjola Taga