Bezdi dhe dhimbje në fazën e injektimit të anestetikut: mund të jetë i dobishëm laseri?

Një nga disavantazhet që shpesh e mundon mjekun dhe pacientin gjatë procedurave stomatologjike është induksioni i dhimbjes shkaktuar nga injektimi në fazën e anestezisë. Në veçanti pacientët në ankth dhe që i tremben trajtimit dentar zakonisht perceptojnë futjen e ages si një eksperiencë të dhimbshme dhe negative.

Të shumtë janë faktorët që ndikojnë perceptimin e dhimbjes gjatë injektimit dhe janë:
• shpejtësia e injektimit
• dimensioni i ages
• mënyra e futjes së ages
• pozicionimi i ageve
• lloji i lëngut anestetik të administruar
• vëllimi i anestetikut të injektuar
• presioni i injektimit
• eksperienca e mjekut dhe karakteristikat individuale të pacientit

Studime të ndryshme klinike kanë dëshmuar se ankthi për injektimet dentare dhe dhimbja e referuar nga pacientët mund të jenë të tilla sa që kërkojnë teknika alternative apo strategji paratrajtuese. Janë testuar metoda të ndryshme për të reduktuar dhimbjen gjatë injektimit të anestetikëve lokalë, përfshirë përdorimin e anestetikëve lokalë me krem apo me sprucim. Një studim i Milani e kolegëve të tij i vitit 2016 ka raportuar se aplikimi lokal i akullit në pikën e injektimit mundëson një reduktim më efikas të dhimbjes në më pak kohë në krahasim me aplikimin e anestetikëve lokalë në formë kremi.

Terapia me nivel të ulët laseri/drite (LLLT), e quajtur dhe terapia photobiomodulative mund të jetë një qasje tjetër potencialisht e dobishme për të reduktuar dhimbjen/bezdisjen në vendin e injektimit.
Në një studim të publikuar në OOO në shtator 2017 janë vlerësuar efektet analgjezike të terapisë me laser me nivel të ulët (LLLT) në vendin e para injektimit te pacientët në program për heqjen terapeutike të molarit të tretë.
Ky studim i kontrolluar i randomizuar në double-blind ka përfshirë 163 pacientë të shëndetshëm që i janë nënshtruar molarëve të tretë. Pjesëmarrësit në studim janë ndarë në mënyrë të çfarëdoshme në një grup LLLT dhe një grup placebo. Të dhënat objektive dhe subjektive janë përftuar nga përgjigjet fiziologjike (frekuenca kardiake dhe djersitja) dhe nëpërmjet një pyetësori të plotësuar nga pacientët pas trajtimit. Në grupin LLLT secila njësi injektimi e synuar është rrezatuar dy herë me valë të vazhdueshme 198 mW për 30 sekonda me një pikë fokale 0,088 cm2 me një energji të aplikuar prej 5,94 J dhe një fluiditet prej 67,50 J/cm2.
Nga rezultatet e përftuara nga ky studim është mundur që të konstatojmë se nuk kishte asnjë diferencë domethënëse midis grupit LLLT dhe grupit placebo në perceptimin e dhimbjes që lidhet me njësitë e injektimit të anestezisë për ekstraksione terapeutike të molarëve të tretë si maksilarë si mandibularë. Frekuencat kardiake mesatare para dhe gjatë injektimit kanë qenë më të ulëta në grupin LLLT në krahasim me grupin placebo për rajonet maksilare dhe mandibulare. Nuk janë vërejtur diferenca domethënëse nga ana statistikore për parametrat e mbetur.
Nën kujdesin e : Lara Figini, Koordinatore Shkencore Odontoiatria3

Për më tepër:
• A.S. Milani, V. Zand, A.A. Abdollahi, M. Froughreyhani, P. Zakeri-Milani, M.A. Jafarabadi Effect of topical anesthesia with lidocaine-prilocaine (EMLA) cream and local pressure on pain during infiltration injection for maxillary canines: a randomized double-blind clinical trial J Contemp Dent Pract, 17 (2016), pp. 592-596
• Analgesic effects of preinjection low-level laser/light therapy (LLLT) before third molar surgery: a double-blind randomized controlled trial. Jacco G.C.Tuk, Arjen J.van Wijk, Ine C.Mertens, ZühalKeleþ, Jérôme A.H.Lindeboom, M.J.MilsteinPhDOral Surgery, Oral Medicine, Oral Pathology and Oral Radiology. Volume 124, Issue 3, September 2017, Pages 240-247