Higjiena e mirë orale aleate kundër diabetit. Mbajtja nën kontroll e periodontitit ul hemoglobinën e glikuar me 0,4%

Prej kohësh njihet si një gjendje e keqe e shëndetit oral dhe e gingivave në veçanti, që mund të shkaktojë një tregues më të keq glicemik dhe në rastin e rënies së dhëmbëve, krijim e zakoneve të ushqyerjes që dëmtojnë më pas kontrollin e glicemisë. Apeli për të mbajtur të shëndetshme gjendjen e shëndetit oral vjen afër konventës së diabetologëve të AMD në 30 shtator në Genova, me titull "Diabeti dhe periodontopatia: një marrëdhënie me dy drejtime".

Ekspertët kujtojnë se kush vuan nga diabeti, në fakt, ka një risk nga dy, në tre herë më të madh në krahasim me një individ jo diabetik për të zhvilluar çrregullime kronike të zgavrës së gojës, si periodontiti; në të njëjtën kohë kjo patologji mund të jetë një faktor risku për fillimin e diabetit dhe ekziston një marrëdhënie direkte midis ashpërsisë dhe shtrirjes së periodontitit dhe përkeqësimit të kontrollit glicemik.

"Për shkak të marrëdhënies së ngushtë që ekziston midis diabetit dhe periodontitit, AMD po punon për të bërë të mundur që duke përdorur si kritere të vlerësimit moshën, peshën, vlerat morfometrike dhe praninë e mundshme të periodontitit edhe pranë klinikës dentare të mund të identifikojmë herët individët e prekur nga diabeti dhe që nuk dyshojnë për gjendjen e tyre dhe kështu t'i drejtojmë sa më shpejt drejt rrugës së duhur diagnostikuese dhe terapeutike, të udhëhequr nga mjeku diabetolog", dëshmon Luca Lione, ish Koordinator i grupit Oral Care AMD dhe Përgjegjës shkencor i eventit. "Siç dihet mirë, në fakt, vetëm diagnoza e hershme dhe aktualizimi i një terapie të shpejtë janë në gjendje të parandalojnë dhe kundërshtojnë në mënyrë efikase komplikimet e shpeshta që lidhen me diabetin. Studime epidemiologjike tregojnë se 50% e individëve, në të gjithë grupet e moshave, kanë një inflamacion gingival reversibël (gingivit), ndërsa periodontiti, karakterizuar nga gjakrrjedhje spontane apo nga larja me furçë e dhëmbëve, halitosis, fryrje gingivale, spostim dhe lëvizje e dhëmbëve, prek 5-15% të popullsisë në formë të rëndë. Te pacientët diabetikë kjo patologji mund të kontribuojë që të bëjë më të vështirë kontrollin metabolik dhe është e lidhur me fillimin e komplikimeve".

Një aspekt i rëndësishëm që duhet mbajtur në konsideratë është fakti që studime të ndryshme po konfirmojnë se si trajtimi i periodontitit sipas protokolleve përkatëse të ndërhyrjes, çon në një reduktim të hemoglobinës së glikuar të barabartë me 0,4%, me një përmirësim të kushteve të kompensimit të sëmundjes dhe përfitimeve që shkojnë përtej gjendjes së shëndetit të zgavrës së gojës, duke u interesuar për komplikimet e shumta mikro dhe makrovaskulare.

"Limiti më i madh i studimeve të kryera deri tani është dhënë nga numri i reduktuar i pacientëve të përshfirë", komenton Presidenti i Shoqatës së Mjekëve Diabetologë, Domenico Manninno. "Impenjimi i AMD dhe SIDP (Shoqëria Italiane e Periodontologjisë dhe Implantologjisë), që së shpejti do të konkretizohet në kushtetutën e një grupi inter-shoqëror dedikuar argumentit, është orientuar forcërisht për të zgjidhur edhe këtë boshllëk. Objektivi tjetër i eventit të mbajtur, si të tjerë me këtë temë, që do të lindin në kuadër të këtij bashkëpunimi, do të jetë mundësimi për diabetologët i një formacioni me bazë mbi një komplikim akoma të keqkuptuar dhe të favorizojë krijimin e programeve të parandalimit të finalizuara për të shmangur që pacienti të arrijë të humbë elementet dentare. Në fakt përveç se përkeqëson menaxhimin e diabetit, duke ndikuar në kontrollin metabolik, periodontiti rëndon sëmundjen diabetike edhe sepse çon në rënien e dhëmbëve. Kjo do të thotë se pacienti shikon kompromentimin e vetë kapacitetit të kafshimit dhe përfundon që të pëlqejë ushqime me tregues të lartë glicemik (makarona, oriz, fruta) me një impakt dukshëm negativ në kompensimin gliko-metabolik".

Përktheu: Erjola Taga