Karakteristikat e dobishme të likopenit në trajtimin e çrregullimeve të zgavrës së gojës

Një studim i kohëve të fundit dëshmon se likopeni, në sasi të mëdha në koncentratin e domates, kontribuon në parandalimin e çrregullimeve të vogla të zgavrës së gojës.
Likopeni mund të përdoret në mënyrë efikase për trajtimin e gingivitit: ky është rezultati i një studimi të kohëve të fundit publikuar në revistën prestigjoze "Oral Health & Preventive Dentistry" (Oral Health & Preventive Dentistry;5(4):327-36. Efficacy of licopene in the treatment of gingivitis: a randomized, placebo-controlled clinical trial. Chandra RV, Prabhuji ML, Roopa DA, Ravirajan S, Kishore HC).

Likopeni një nga antioksidantët më të fuqishëm të familjes së karotenoideve që reagon kundër radikaleve të lira dhe mbron nga plakja qelizore është shfaqur efikas dhe në trajtimin e çrregullimeve që prekin zgavrën e gojës, edhe pse të lehta, ato mund të kërcënojnë shëndetin e gojës, përveç se janë burim i bezdisjeve të dhimbshme në jetën e përditshme. Siç nënvizon OBSH (Organizata Botërore e Shëndetit) të kesh një gjendje të mirë të shëndetit oral është shumë më mirë se të kesh dhëmbë të shëndetshëm: bëhet fjalë në fakt për një gjendje që ndikon fortësisht të gjithë gjendjen e shëndetit dhe të mirëqenies së personit që mund të ketë efekte edhe në peshë, në jetën e përditshme të individëve.

Studimi është kryer në 20 individë të shëndetshëm me simptoma klinike të gingivitit të ndarë në dy grupe: 10 individë të trajtuar me profilaksi orale të likopenit për dy javë (8 mg/die) dhe
10 individë kontrolli të trajtuar me placebo.
Rezultatet e studimit tregojnë se individët të cilëve i është administruar likopen kanë shfaqur një reduktim domethënës nga ana statistikore të gingivitit dhe të gjakrrjedhjes nëse ballafaqohen me individët "kontroll".
Profesori Antonio Carrassi, drejtor në Njësinë Operative të Mjekësisë Orale dhe Stomatologjike Geriatrike Spitalore San Paolo të Milanos, komenton se rezultate të tilla vlerësojnë me shumë interes studimin për sa gingiviti fillon të shfaqet që në moshë juvenile me një përqindje prej 20-25% te djemtë më të vegjël se 16 vjeç të prekur nga një patologji e tillë.

Nëse metodat klasike të parandalimit, përmbledhur nga prof. Carrassi "në përdorimin e pajisjeve për higjienën orale, si përdorimi i furçës elektrike, i fillit interdentar ose i pastruesit në formë gypi dhe heqja mekanike e pllakës", mbeten në fakt thelbësore për të luftuar gingivitin dhe për të shmangur, nëse lihet pas dore, që të transformohet në një rast klinik inflamator më kompleks si periodontiti.
Është e mundur që të merrni likopen me ushqimin: në veçanti burimi kryesor i likopenit është domatja dhe ka dëshmuar në mënyrë domethënëse se në derivatet e saj, specifikisht në koncentratin e domates, sasia e likopenit është më e lartë dhe më pak e ndryshueshme në krahasim me atë të përmbajtur në frutin e freskët.

Përktheu: Erjola Taga