Trajtimi i aftozava të vazhdueshme: shpëlarësit me bazë minocikline

Stomatiti i vazhdueshëm aftoz (RAS) është një gjendje orale e zakonshme ulceroze që prek deri në 25% të popullsisë. Zakonisht shfaqet klinikisht me ulcera të dhimbshme të përcaktuara mirë, ovale dhe në formë sfere, sipërfaqësore, të mbuluara nga një pseudo membranë dhe të rrethuara nga një eritematozë e vetme. Kruajtja e lokalizuar ose ndjesia e djegies në përgjithësi paraprijnë zhvillimin klinik të tij.

RAS ka tre variante klinike:

• aftoza minor
• aftoza major
• aftoza herpetike

RAS është forma më e zakonshme dhe zakonisht lidhet me ulcera relativisht të vogla (1-5 mm) që zgjasin deri në 14 ditë.

RAS është me etiologji të panjohur por në mënyrë substanciale është një patologji inflamatore jo infektive e mukozës me karakter imunitar. Aftoza e vazhdueshme shpesh mund të zhvillohet në mënyrë sekondare në lidhje me disa barna për shembull është raportuar kohët e fundit në literaturë se ka prevalencë të lartë te pacientët në kurim me inhibitorë të rapamicinës (m-TOR) (Villa 2015).

Tetraciklinat janë përdorur për menaxhimin e RAS për më shumë se 3 dekada, me ndonjë efekt përfitues, duke e konsideruar RAS si rezultat të një infeksioni lokal.

Kohët e fundit për trajtimin e RAS është marrë në konsideratë minociklina (7-dimetilamina-6-demetil-6-deoksitetraciklina), një tetraciklinë gjysmë sintetike që përveç se zotëron cilësi antibakteriale ka dëshmuar një efekt përfitues në kontrollin e sëmundjeve të lëkurës jo infektive, si për shembull pemphigoid cicatricial, buloz dhe dermatoza buloze me IgA lineare. Minociklina mendohet se ka një efekt rregullator për citokinat që mund të lidhen me zhvillimin e RAS.

Për trajtimin e RAS minociklina jepet me recetë në formën e shpëlarësve që mund të jenë me përqendrime të ndryshme të principit aktiv, me efikasitet që rezulton i ndryshueshëm.

Sipas një studimi të publikuar në Oral Surg Oral Med Oral Pathol Oral Radiol të muajit qershor 2017, aty ku krahasohen për efikasitetin dy shpëlarës me bazë minocikline me dy përqendrime të ndryshme për trajtimin e aftozës së vazhdueshme, minociklina me 0,5% rezulton të jetë në mënyrë domethënëse më efikase se minociklina në 0,2%.

Ky studim i randomizuar crossover në double-blind, për dy vjet ka marrë në konsideratë pacientë të shëndetshëm me episode të shpeshta të RAS. Këtyre pacientëve i janë dorëzuar 2 sete me shpëlarës goje me bazë minocikline përkatësisht 0,2% dhe 0,5%. Pacientët janë ftuar që të përdorin një nga setet në episodet e para të RAS duke filluar nga simptomat e para prodromale, deri në largimin e simptomave ose deri në një maksimum prej 10 ditësh. Më pas i është kërkuar pacientëve që të përdorin setin tjetër gjatë një episodi vijues me modalitetet e njëjta si të parit.

Rezultatet e studimit janë si më poshtë: 14 pacientë (8 meshkuj, 6 femra) kanë kompletuar studimin. Intensiteti mesatar i dhimbjes ka rezultuar në mënyrë domethënëse më i ulët kur përdorej shpëlarësi me solucion 0,5% krahasuar me atë me solucion 0,2% (P ¼ .027). Diferenca ka arritur domethënien statistikore që në përfundim të ditës së dytë të përdorimit (P= .032). Janë regjistruar nga autorët efekte të ndryshme anësore vetëm minimale dhe tranzitore.

Nën kujdesin e: Lara Figini, Koordinatore Shkencore e Odontoiatria33

Për më tepër:
• Villa A, Aboalela A, Luskin KA, et al. Mammalian target of rapamycin inhibitor-associated stomatitis in hematopoietic stem cell transplantation patients receiving sirolimus prophylaxis for graft-versus-host disease. Biol Blood Marrow Transpl. 2015;21: 503-508.
• Noam Yarom, Keren Zelig, Joel B. Epstein, and Meir Gorsky. The efficacy of minocycline mouth rinses on the symptoms associated with recurrent aphthous stomatitis: a randomized, double-blind, crossover study assessing different doses of oral rinse. Oral Surg Oral Med Oral Pathol Oral Radiol giugno 2017;123:675-679

Përktheu: Erjola Taga