Adezivët all-in-one: koha e tharjes dhe adezioni

Sistemet adezive one-step vetë-gërryes, të përcaktuar "all in one", janë futur në treg rreth 15 vjet më parë dhe që atëherë kanë shfaqur gjithmonë e më shumë një përdorim të gjerë, mbi të gjitha për prakticitetin e tyre dhe thjeshtësinë e përdorimit. Për këto lloje adezivësh, pikërisht për karakteristikat e tyre sepse kanë thjeshtësuar dhe reduktuar hapat gjatë ekzekutimit të një restaurimi në kompozitë, është parë se është shumë e rëndësishme që të ndjekim instruksionet e shtëpive prodhuese dhe të kurojmë e të kryejmë në mënyrë korrekte dhe manovrat, që me sa duket mund të duken të parëndësishme por që në realitet nuk janë, si koha e tharjes së shtresës së adezivit pas aplikimit dhe presioni i fryrjes i dhënë nga shiringa me ajër të kompresuar. Kohë më parë ishte diskutuar mbi faktin se këto faktorë mund të ndryshonin forcën e adezionit me indit dentar: kjo mund të influencohej si nga kohëzgjatja e fryrjes së ajrit [Fu 2012] si nga presioni i saj (Spreafico 2006).

Nga një studim i kohëve të fundit publikuar në Dental Materials, maj 2017 është konstatuar se forca e adezionit e sistemeve adezive të gjeneratës së fundit "all in one" varet ngushtë nga materiali i përdorur dhe nga kohëzgjatja e tharjes së adezivit që duhet të përfshihet midis 15 dhe 30 sekondave.

Në këtë studim in vitro autorët kanë mbledhur qindra molarë njerëzorë të ekstraktuar pa karies, të cilët janë përdorur për të testuar 5 lloje të ndryshëm adezivësh one-step. Çdo grup adezivësh përfshinte 20 dhëmbë, të ndarë në 4 nëngrupe me 5 dhëmbë secili, në të cilin është kryer një kohë fryrje e adezivit e ndryshme për çdo nëngrup. Dhëmbët janë mbledhur në bazë të një protokolli të rishikuar dhe aprovuar nga komiteti themelues i rishikimit i Cina Medical University, Shenyang. Dhëmbët janë ruajtur në 4oC në një solucion ujor prej 0,5% kloramin-T dhe të përdorur brenda 3 muajve nga ekstraktimi.

Janë përdorur sistemet e mëposhtme adezive 1 step vetë-gërryes:

• All Bond Universal, Bisco
• CLEARFILTM Universal Bond, Kuraray
• G-Premio Bond, GC
• OptiBond All-in-one, Kerr
• Scotchbond Universale, 3M ESPE

Adezivët janë aplikuar në sipërfaqen dentinale sipas instruksioneve të secilit prodhues dhe janë tharë me ajër pa vaj dhe presion 0,25 MPa për 0 s, 5 s, 15 s ose 30 s para fotopolimerizimit.
Sipërfaqja e shkëputjes është analizuar në SEM dhe janë shkrepur foto të ndërfaqes rezinë-dentinë në SEM. Të dhënat e forcës së adezionit janë analizuar duke përdorur ANOVA me dy variabla dhe Games-Howell (a = 0,05).
Rezultatet e studimit kanë dëshmuar se forca e adezionit është realisht e lidhur me kohën e tharjes së adezivit të aplikuar në një pasazh të vetëm.
Rezultatet më të mëdha për sa i përket forcës së adezionit janë përftuar në grupet në të cilët fryrja e ajrit ishte aplikuar për 15 sekonda; pothuajse të gjithë grupet kanë përftuar vlera adezioni shumë më të mëdha se 70 MPa, për të treguar mirësinë e procesit adeziv duke përdorur këtë pajisje të thjeshtë klinike.

Nën kujdesin e: Lara Figini, Koordinatore Shkencore e Odontoiatria33

Për me tepër:
Fu J, Pan F, Kakuda S, Sharanbir KS, Ikeda T, Nakaoki Y, et al. The effect of air-blowing duration on all-in-one systems. Dent Mater J 2012;31:1075-81.
Spreafico D, Semeraro S, Mezzanzanica D, Re D, Gagliani M,Tanaka T, et al. The effect of the air-blowing step on the technique sensitivity of four different adhesive systems. JDent 2006;34:237-44. Dent Mater. 2017 May 25.
Effect of air-blowing duration on the bond strength of current one-step adhesives to dentin. Fu J, Saikaew P, Kaëano S, Carvalho RM, Hannig M, Sano H, Selimovic D