Rimineralizimi i smaltit dentar: sinergjia midis plazmës së ftohtë dhe bioglass

Kariesi dentar dhe erozioni janë rezultati i një dhëmbi shumë të demineralizuar. Në stomatologji gjithmonë e më shumë rëndësi i jepet parandalimit të kariesit dhe orientimi i viteve të fundit është ai që të përqendrohemi në inhibimin e demineralizimit të sipërfaqeve dentare, zbulimit të hershëm të tij dhe rimineralizimit të dhëmbit në fjalë dhe para ekzekutimit të një restaurimi që kërkon heqjen e një indi dentar që nuk mund të mineralizohet më.

Në gjendjen aktuale tre janë modalitetet e rimineralizimit të smaltit dentar:

• aplikimi lokal i fluorit;
• aplikimi i materialeve bioaktive (si pasta 45S5 bioglass) që çlirojnë jone kalciumi dhe jone fosfati në gjendje që të penetrojnë në smalt dhe ta rimineralizojnë atë. Është parë që këto materiale bioaktive në 24 h formojnë në sipërfaqen e smaltit dentar një shtresë kalciumi fosfat shumë rezistente me abrazion dhe erozion dhe në 14 ditë bëhen kristale të hidroksiapatitit;
• aplikimi i sprucimeve të gazta të plazmës së ftohtë mbi sipërfaqet dentare me karies ose të demineralizuara. Plazma e ftohtë ka karakteristika baktericide (Yang 2011) dhe në cilësinë e gazit arrin të penetrojë në thellësi nëpërmjet të çarave dhe parregullsive minimale. Aplikimet e mundshme të "plazmës së ftohtë" përfshijnë çrregullimin e karakteristikave të sipërfaqes si karikimi elektrokimik dhe sasia e oksidimit, përtej modulimit të karakteristikave të sipërfaqes dentare si fortësia, rezistenca ndaj abrazionit, aftësia për t'u lagur.

Në një studim in vitro të publikuar në Journal of Dental Materials mars 2017, konstatohet se materialet bioaktive si bioglass, rimineralizojnë smaltin me efikasitet më të lartë nëse sipërfaqja dentare do të ishte e trajtuar më parë me plazmë të ftohtë.

Autorët kanë marrë në konsideratë 50 dhëmbë incizivë të trajtuar rrjedhimisht me një solucion për të përftuar një demineralizim në pH 4,47 për 72 h.

Fushat janë ndarë në pesë grupe :

Grupi 1: grupi i kontrollit me smalt të demineralizuar jo të trajtuar (C)
Grupi 2: smalt i demineralizuar i trajtuar me bojë fluorocarbon (F)
Grupi 3: aplikimi në smaltin e demineralizuar i sprucimeve të gazta të plazmës së ftohtë (P)
Grupi 4: smalti i demineralizuar trajtuar me pastë bioaktive me bioglass (B)
Grupi 5: aplikimi i pastës së bioglass në smaltin e demineralizuar i trajtuar më parë me plazmë të ftohtë (PB).

Kampionet janë ekzaminuar me tomografi të mikro-kompjuterizuar (micro-CT), me mikroskop elektronik me skanim (SEM), me spektroskopi me shpërbërje energjetike me rreze X (EDS) dhe është hetuar mikro-fortësia e seksionit transversal e kampionëve dhe janë regjistruar të dhënat relative.

Rezultatet e këtij studimi kanë treguar se të trajtosh paraprakisht smaltin e demineralizuar me plazmë të ftohtë para aplikimit të materialeve bioaktive si bioglass, garanton një rikuperim domethënës të volumit mineral dhe mikro-fortësisë së rajonit të demineralizuar.

Me limitet e studimit dhe me nevojën për të përftuar reagime analoge dhe në studime klinike in vivo mund të përfundojmë se trajtimi me plazmë të ftohtë mund të përmirësojë rimineralizimin e sipërfaqeve dentare të demineralizuara të trajtuara me bioglass.

Nën kujdesin e: Lara Figini, Koordinatore Shkencore Odontoiatria33

Për më tepër:
• Yang B, Chen J, Yu Q, Li H, Lin M, Mustapha A, Hong L,Wang Y. Oral bacterial deactivation using a low-temperature atmospheric argon plasma brush. J Dent 2011; 39: 48-56.
• El-Wassefy NA, Remineralizing effect of cold plasma and/or bioglass on demineralized enamel, Dent Mater J. 2017 Mar 31;36(2):157-167.

Përktheu: Erjola Taga