Produktet zbardhuese: Kujdes në vlerësimin e pH për të shmangur dëmtimet e mundshme të smaltit. Konkluzionet e një kërkimi italian

"Duhet të vërtetohet se nuk dëmton smaltin". Është kjo karakteristika kryesore që dentistët kërkojnë nga produktet zbardhuese me përdorim profesional, sipas një sondazhi të cituar nga Enrico Cogo në një punim që do të publikohet në botimet shkencore të huaja. Karakteristikat e tjera që konsiderohen në zgjedhjen e produkteve që duhen përdorur nga profesionistët e shëndetit oral janë mbajtja e rezultatit dhe vlerësimi klinik i produktit.

"Kërkimi ynë - shpjegon dok. Cogo që ka prezantuar paraprakisht konkluzionet për kongresin e fundit AIC - lind nga të dhënat e tregut që dëshmojnë se ajo që i intereson më shumë mjekëve (dhe pacientëve) mbi agjentët zbardhues është që të jenë të sigurt për dhëmbët". "Në literaturë - vijon - ekzistojnë të dhëna shumë kontradiktore prandaj kemi vendosur që të hetojmë personalisht".

Për të realizuar kërkimin është seleksionuar një paciente që për motive periodontale duhet të ekstraktonte elemente dentare. Paciente që ka pranuar t'i nënshtrohet eksperimentimit.

"Para ekstraktimeve, - shpjegon dok. Cogo, - kemi kryer një zbardhim të elementeve dentare me produkte dhe teknika të ndryshme. Në vijim i kemi hequr dhe dërguar te prof. Dellavia e Universitetit të Milanos për analizimin histologjik në mënyrë që të verifikohet nëse pas trajtimit tonë indet e dhëmbëve kishin pësuar dëmtime".

Rezultatet histologjike nuk kanë dëshmuar çrregullime të dhëmbëve të zbardhur në krahasim me elementet e patrajtuar.

"Në këtë pikë, - shpjegon kërkuesi, - kemi pyetur se si vallë kaq shumë studime në literaturë në fakt kanë dëshmuar dëmtime."

Kërkuesit kanë dashur kështu të vërtetojnë rezultatet histologjike të disa kampioneve. "Ato që paraqisnin dëme, - shpjegojnë, - tregonin një specifikë që dukej se kishte qenë gravurë, nga kjo na lindi ideja që të shikojmë pH e xhelit të përdorur."

"Elementet e trajtuar nga ne, - vijon Cogo, - nuk kanë pësuar çrregullime në sipërfaqe sepse kemi përdorur një xhel me pH rreth 7. Në treg pH i xhelëve zbardhues është shumë i ndryshueshëm (sipas Price nga 3,67 në 11,13), sigurisht të përdorësh xhel me pH acid (sidomos me pH më të ulët se 5,5) shkakton dëmtime në smalt".

pH më i ulët i lejuar me ligj është 4, saktëson kërkuesi që shton se si një paralajmërim kjo është "një vlerë sidoqoftë e rrezikshme pasi indet e forta të dhëmbëve fillojnë të demineralizohen që në pH më të vogël se 5,5 dhe megjithatë kjo është bërë akoma më e dëmshme nga fakti se produktet zbardhuese mbeten në kontakt me dhëmbët për shumë kohë (zakonisht dhe për 8 orë) ."

"Disa kompani zgjedhin një pH acid sepse i lejon një ruajtje më të mirë të produktit", - duke shtuar se sipas eksperiencës së tij, - "kompanitë që zgjedhin që të prodhojnë një produkt acid e bëjnë sepse xheli i tyre është pak performues prandaj kërkojnë që të përmirësojnë performancën duke e bërë acid dhe duke besuar në gërryerje për të transmetuar më mirë veprimin e peroksidit. Kompani të tjera që në fakt kanë xhel shumë performues nuk kanë nevojë që të bëjnë acid xhelin e tyre.

"Sigurisht të prodhosh xhel shumë performues dhe në të njëjtën kohë me pH neutral apo bazik është shumë e vështirë teknikisht dhe e kushtueshme", - kujton Cogo.

"Duke hetuar më mirë produktet acide na erdhi në mendje që ndoshta pH i tyre të mund të përmirësohej me kalimin e kohës pas vendosjes në dhëmb, studimi i Jadad ka dëshmuar se pH nuk ndryshon në mënyrë domethënëse me kalimin e kohës. Megjithatë studime të tjera dëshmojnë se si performanca zbardhuese më e mirë (pra lëshimi më i madh i oksigjenit që prodhohet) arrihet me pH midis 9,5 dhe 10,8."

Konkluzionet e kërkuesve janë se vlerësimi i pH në produktet zbardhuese mund "të ndihmojë mjekët që të zgjedhin më mirë produktet e zbardhimit në mënyrë që të kenë performancën më të mirë pa riskun e dëmtimit të indeve të forta të dhëmbëve".

Nor. Mac.

Përktheu: Erjola Taga