Rehabilitimi implantar i centralit dhe lateralit të sipërm: si të veprojmë për të përftuar estetikë maksimale

Zëvendësimi i dy dhëmbëve ngjitur që mungojnë përfaqëson gjithmonë një sfidë për implantologun sidomos kur bëhet fjalë për sektorë estetikë. Problemi kryesor është mbajtja e një papile korrekte midis dy implanteve, e cila në sektorët anteriorë rëndon në rezultatin estetik. Në rastet e zëvendësimeve të një dhëmbi të vetëm në zona estetike, prania e papilës përcaktohet paraprakisht nga niveli i sulmit periodontal të dhëmbëve ngjitur, të cilët rrisin rezultatin estetik duke mbajtur stabilitetin e papilës peri-implantare.

Në rastet në fakt në të cilët mungojnë dy dhëmbë ngjitur në zonën estetike, prania e papilës midis dy kurorave në implant, është përcaktuar paraprakisht nga niveli i kreshtës së kockës interimplantare. Një papilë interimplantare e reduktuar në lartësi mund të provokojë estetikisht një trekëndësh të zi midis kurorave të implanteve duke reduktuar në mënyrë drastike rezultatin estetik dhe kënaqësinë e pacientit. Për të shmangur trekëndëshat e zinj pikat e kontaktit të kurorave implantare ngjitur shpesh janë të pozicionuara në mënyrë më apikale për të kamufluar këtë defekt. Në sektorët estetikë kujdes i veçantë duhet t'i kushtohet pozicionimit të implanteve në mënyrë ideale, për të mbajtur nivelet kockore dhe të indeve të buta perimplantare në mënyrën e duhur, por shpesh pavarësisht të gjithave estetika nuk rezulton optimale.

Nëse merret rasti i mungesës së një centrali dhe laterali të sipërm, si duhet të lëvizim për të përftuar një estetikë të vlefshme pa kompromentuar funksionalitetin dhe prognozën implantare?
Në këtë situatë shpesh kemi një hapësirë interimplantare horizontale të pamjaftueshme, si pasojë implantet shpesh janë shumë pranë të lidhur midis tyre dhe si pasojë kemi riabsorbim lateral të kreshtës kockore midis implanteve që çon në recesionin e papilës me një estetikë të keqe. Një alternativë është ajo e pozicionimit të një implanti të vetëm në regjionin e incizivit qendror dhe të lidhni me mbështetje kurorën e lateralit (një implant që mban dy kurora fikse). Kjo zgjidhje padyshim mund të garantojë rezultate të mira estetike por çfarë suksesi implantar na ofron?

Tymstra et al. tashmë kanë kryer në 2011 një studim pilot prospektiv krahasues, në pacientë me mungesë të incizivit qendror dhe lateral superior duke i trajtuar disa me një implant që mban dy kurora me lateral me mbështetje, të tjerë me dy implante secili mban një kurorë fikse dhe rezultatet e një studimi të tillë nuk kanë dëshmuar ndryshime domethënëse në prognozë nga ana klinike midis dy grupeve.
Në Journal of Oral Rehabilitation, qershor 2017 shfaqet një rishikim që paraqet një riekzaminim sistematik mbi suksesin e implanteve të një dhëmbi të vetëm ku mbështeten dy kurora fikse (FDP) në përgjithësi (maksila dhe mandibula, anteriore dhe posteriore) dhe një perspektivë prej 5 vitesh.
Autorët kanë rishikuar të gjithë artikujt e randomizuar, të kontrolluar e të publikuar në Medline (PubMed), Embase dhe Cochrane deri në 1 gusht 2016 rreth argumentit. Kërkimi është kryer në bazë të një search strategy (strategjie kërkimi) të përcaktuar paraprakisht. Mbijetesa e implanteve, niveli i kockës marginale (MBL), thellësia e sondimit të xhepave periodontal, indeksi papilar dhe kënaqësia e pacientit janë vlerësuar me follow-up në 5 vjet. Pesë nga 276 artikujt janë konsideruar të përshtatshëm për metanalizën. Mbijetesa e implantit ka rezultuar se varion nga 96,6% në 100%. Variacionet në nivel kockor marginal kanë rezultuar më të mëdha në regjionin anterior dhe në regjionin posterior.

Komplikimet teknike janë verifikuar më shpesh në regjionin posterior sesa në atë anterior.
Pas 5 vitesh nuk janë verifikuar ndryshime klinike domethënëse nga ana statistikore në indet e forta dhe të buta peri-implantare.
Në bazë të këtij rishikimi mund të përfundojmë se metoda për të vendosur vetëm një implant mbështetës për dy kurora fikse në zonën qendrore dhe laterale mund të konsiderohet një alternativë e vlefshme nga pikëpamja funksionale dhe e kohëzgjatjes në pozicionimin e dy implanteve ngjitur, secili mbajtës i kurorës përkatëse, për më tepër me vlerën estetike të shtuar. Për shkak të komplikimeve teknike pozicionimi i një implanti të vetëm që mban dy kurora nga të cilat njëra me mbështetje në regjionin posterior është konsideruar e pakujdesshme dhe duhet shmangur.

Nën kujdesin e: Lara Figini, Koordinatore Shkencore e Odontoiatria33

Për më tepër:
• Tymstra N, Raghoebar GM, Vissink A, Meijer HJ. Dental implant treatment for two adjacent missing teeth in the maxillary aesthetic zone: a comparative pilot study and test of principle. Clin Oral Implants Res. 2011;22:207-213.
• Van Nimwegen WG, Raghoebar GM, Tymstra N, Vissink A, Meijer HJA. How to treat two adjacent missing teeth with dental implants. A systematic review on single implant-supported two-unit cantilever FDP's and results of a 5-year prospective comparative study in the aesthetic zone. J Oral Rehabil. 2017 Jun;44(6):461-471.

Përktheu: Erjola Taga