Agjentët zbardhues dhe agjentët që ulin ndjeshmërinë: një marrëdhënie e favorshme për "Home Bleaching"

Përdorimi i agjentëve zbardhues si në praktikën profesionale stomatologjike, si në trajtimet në kushte shtëpie po fiton gjithnjë e më shumë sukses dhe gjithmonë ka kërkesa më të mëdha. Ndjeshmëria më e madhe që pacientët perceptojnë gjatë apo në përfundim të trajtimeve të zbardhimit shpesh shfaqet disi bezdisëse; megjithatë, mund të përdoren veprime oportune dhe agjentë të përshtatshëm që ulin ndjeshmërinë.
Kohët e fundit disa kompani kanë propozuar agjentë zbardhues me sisteme që ulin ndjeshmërinë në brendësi të vetë agjentëve.

Me qëllimin për të verifikuar katër nga këto, janë ekzaminuar pacientë që i janë nënshtruar terapisë së zbardhimit të dhëmbëve në kushtet e shtëpisë.
Katër janë përzierjet e ekzaminuara: dy me peroksid karbamidi 10% dhe dy me të njëjtin princip aktiv por të përqendruar 15% dhe 16%. Në të dy makro grupet, ishin të pranishme dy nën grupe që kishin produktin zbardhues të shtuar me agjent për uljen e ndjeshmërisë.

Janë kontrolluar për rreth gjashtë muaj nëpërmjet matjeve me spektrofotometër, duke ekzaminuar në mënyrë fotografike individët dhe duke regjistruar kënaqësinë e pacientit.

Të gjithë agjentët zbardhues kanë dhënë rezultate më shumë se të kënaqshme, në fakt niveli i verifikuar i zbardhimit ka qenë optimal dhe që ka zgjatur në kohë; megjithatë shtimi i oksalatit të potasit me 3% me fluorur, në veçanti në grupin me peroksid karbamidi 16%, pra në grupin me princip aktiv më të përqendruar, ka mundësuar zvogëlimin në mënyrë drastike të problematikave të hiperndjeshmërisë dentinale.

Nën kujdesin e: prof. Massimo Gagliani, Koordinator Shkencor, Fusha Stomatologjike Grupi Edra

Për më tepër:
Clinical evaluation of different desensitizing agents in home-bleaching gels. Jussara Karina Bernardon, DDS, MSD, PhD, Marceli Vieira Martins, DDS, MSD, Gabrielle Branco Rauber, DDS, MSD, Sylvio Monteiro Junior, DDS, MSD, PhD, Luiz Narciso Baratieri, DDS, MSD, PhD. June 2016 Volume 115, Issue 6, Pages 692-696 The Journal of Prosthetic Dentistry

Përktheu: Erjola Taga