Implantet përmirësojnë cilësinë e jetës te pacientët me edentuli parciale

Të zëvendësosh një ose me shumë elemente dentare të humbur me proteza fikse në implante, përmirëson ndjeshëm komfortin mastikator dhe cilësinë e jetës së pacientit. Për ta dëshmuar këtë është studimi i Bader Alzarea, profesor i protezave pranë Al Jouf University College of Dentistry në Sakakah (Arabia Saudite) i publikuar kohët e fundit në Journal of Clinical and Experimental Dentistry.

Kërkimi klinik për protezat është për më tepër i orientuar nga hetime prospektive mbi kohëzgjatjen e implanteve, të pajisjeve protetike dhe mbi lindjen e komplikimeve. Për pacientin optika është plotësisht e ndryshme, janë të rëndësishme aspektet psikologjike dhe implikimet sociale të trajtimit. "Pak janë në fakt studimet - shkruan Alzarea - mbi cilësinë e jetës së pacientëve me mungesë parciale të dhëmbëve."
Studimi ka përfshirë 79 pacientë (47 meshkuj dhe 39 femra) në shëndet të mirë me moshë midis 39 dhe 81 vjeç me mungesë parciale të dhëmbëve, të trajtuar në Al Jouf University College of Dentistry midis 2013 dhe 2016.

Implantet e vendosur (232), kanë suportuar kurora teke apo restaurime fikse nga dy në pesë elemente dentare.

Para fazës kirurgjikale pacientëve i është kryer Oral Health Impact Profile (OHIP), një pyetësor psikometrik me 49 pyetje që heton problematikat psikologjike dhe të sjelljes që lidhen me shëndetin oral. OHIP më pas është ripropozuar pas 2-3 vitesh nga vendosja e implanteve. Kujtoj se ulja e treguesve tregon një përmirësim të cilësisë së jetës.

Funksionet e monitoruara rezultojnë të gjitha të përmirësuara në veçanti: kufizimet funksionale, dhimbja fizike, dozimi psikologjik, dozimi fizik, handikapi psikologjik dhe handikapi social. Rënia e treguesve të OHIP është në fakt domethënëse për të gjithë funksionet e cituara.

Rezultatet sugjerojnë një përmirësim të cilësisë së jetës së pacientëve pas trajtimit implantar. Nuk ka ndryshime domethënëse të treguesve midis dy sekseve dhe grupeve të ndryshme të moshës.

Cussotto Davis

Për më tepër:
Assessment and Evaluation of Quality of Life (OHRQoL) of Patients with Dental Implants Using the Oral Health Impact Profile (OHIP-14) - A Clinical Study.. Alzarea BK. J Clin Diagn Res. 2016 Apr;10(4): ZC57-60

Përktheu: Erjola Taga