Nga kërkimi një adeziv dentinal inovativ për të luftuar krijimin e kariesit sekondar

Kariesi i përsëritur është shkaku kryesor i dështimit të restaurimeve sidomos të atyre estetike me bazë rezine, pasi rezinat dentare kanë dëshmuar se mbajnë një grumbullim të lartë të biofilmit dhe të pllakës bakteriale krahasuar me restaurimet me bazë amalgami dhe cementi glass ionomer. Më specifikisht prodhimi i acidit nga ana e biofilmit mund të zvogëlojë pH lokal me një gamë kariogjenike prej 5-4, që mund të shkaktojë demineralizimin e strukturës së dhëmbëve dhe formimin e kariesit sekondar. Për të shmangur formimin e kariesit sekondar te restaurimet në kompozitë, kërkimi mund të lëvizë kryesisht në tre fronte:
a) inkorporimi në rezinat dentare i substancave që posedojnë një farë aktiviteti antibakterial dhe reduktojnë prodhimin e acidit, si metalkrilatet kuaternare të amonit (QAM)
b) inkorporimi në rezina i agjentëve si 2- methacryloyloxyethyl phosphorylcholine (MPC) me karakteristika që largojnë proteinat në mënyrë që të reduktojnë adezionin bakterial, pasi bakteret orale kapen relativisht në mënyrë të lehtë me rezinat dentare nëpërmjet një shtrese proteinash absorbuese të pështymës të pranishme në sipërfaqen e rezinës.
c) inkorporimi i grimcave të kalcium-fosfatit (CaP) në rezina për të promovuar rimineralizimin dhe për të ndaluar demineralizimin e indeve dentare. Adezivët që përmbajnë grimca të CaP mund të rimineralizojnë lezionet karioze si dentina e acidifikuar, duke mundësuar një jetëgjatësi më të madhe të restaurimeve.

Kohët e fundit janë zhvilluar agjentë me lidhje që përmbajnë nanogrimca të fosfatit të kalciumit amorf (NACP). Këto agjentë lidhës mund të lëshojnë nivele të larta të joneve Ca dhe P për të nxitur rimineralizimin. Është parë gjithashtu se shtimi i NACP nuk ka influencuar negativisht në forcën e lidhjes dentinale për sa i përket shkakut të grimcave me dimensione të vogla, NACP është fluid dhe lehtësisht mund të formojë mbetje rezine në tubulat dentare.
Në një studim të kohëve të fundit të publikuar në "Dental Materials" në maj 2017 prezantohet një adeziv inovativ që përmbledh të treja karakteristikat e listuara më lart dhe nga rezultatet e marra nga studimi, premton mbrojtjen e strukturave të dhëmbëve nga acidet dhe nga biofilmi me ambicien për të luftuar kariesin sekondar.
Autorët kanë përzier 2- methacryloyloxyethyl phosphorylcholine (MPC kundër proteinave), dimethylamino hexadecyl methacrylate (DMAHDM, antibakterial) dhe fosfati i kalciumit amorf (NACP me karakteristika rimineralizuese) në një rezinë të përbërë nga 39,5% ethoxylate bisphenol A dimethacrylate (EBPADMA), 44,5% pyromellitic glycerol dimethacrylate (PMGDM), 10% 2- hydroxyethyl methacrylate (HEMA) dhe 5% bisphenol A glycidyl dimethacrylate (BisGMA). Është matur absorbimi i proteinave duke përdorur metodën acide mikro bikonikale. Është testuar në rezina një model biofilmi njerëzor saliva microcosmous. Megjithatë janë analizuar njësitë e formimit të kolonive (CFU), aktiviteti metabolik, përqendrimi i joneve të Ca dhe P dhe pH i mjetit të kulturës së biofilmit.

Nga rezultatet e këtij studimi është zbuluar se adezivi me 5% MPC + 5% DMAHDM + 30% NACP inhibon rritjen e biofilmit, duke reduktuar biofilmin CFU me 4 log, krahasuar me grupin e kontrollit (p <0,05). Forca e adezionit ka rezultuar të jetë ë ngjashme me grupin e kontrollit (p> 0,1). Megjithatë është parë më tej se adezivi me 5% MPC + 5% DMAHDM + 30% NACP ka mbajtur një pH > 6 jo kariogjen, ndërsa adezivi komercial i kontrollit ka shfaqur një pH kariogjen 4.

Ky adeziv i ri bioaktiv eksperimental me avantazhe të trefishta ka rezultuar premtues in vitro për të mbrojtur strukturat e dhëmbëve dhe për të penguar formimin e kariesit, por duhet të gjejë sigurisht konfirmime të mëtejshme klinike me të dhëna për jetëgjatësi. Kjo metodë kombinimi e NACP, MPC dhe DMAHDM mund të aplikohet edhe duke eksperimentuar për materiale të tjera dentare restaurimi me pritshmëri të mira në nivel parandalimi karioz.

Nën kujdesin e: Lara Figini, Koordinatore Shkencore Odontoiatria33

Për më tepër:
Dent Mater. 2017 May;33(5):553-563. Novel dental adhesive with triple benefits of calcium phosphate recharge, protein-repellent and antibacterial functions. Xie X1, Wang L, Xing D, Zhang K, Weir MD, Liu H5, Bai Y, Xu HHK.

Përktheu: Erjola Taga