Lipogranuloma nga trajtimet estetike me filler: çfarë duhet të dijë stomatologu

Mjekësia estetike, me kufizimet e parashikuara nga ligji 409 i 1985 për invazivitetin dhe topografinë, mund të kryhet dhe nga stomatologët duke u limituar në të tretën e mesme (glabella) dhe në të tretën inferiore të fytyrës (menton) pra në zonat aderuese të lëkurës, në nofullën e sipërme dhe të poshtme pavarësisht nëse bëhet fjalë për një kompletim të një trajtimi tjetër stomatologjik të lidhur ngushtë me patologjinë.

Injektimi i filler-ave të lekurës që përmbajnë përbërës të ngjashëm me lipidet, si parafina ose acidi hialuronik, kryesisht në zonat perilabiale, mund edhe të çojnë në një distancë kohe nga injeksionet, në formimin e efekteve anësore të padëshirueshme si për shembull lipogranulomat. Lipogranuloma është një proces i rrallë inflamator reagues i dermës dhe subkutan, që manifestohet klinikisht me nyje subkutane ose limfadenopati në formë gome.
Janë propozuar dy mekanizma për zhvillimin e lipogranulomave. I pari është një reaksion nga trupi i jashtëm me një substancë lipide ekzogjene si parafina ose silikoni, i dyti është një reaksion granulomatoz i shkaktuar nga një degjenerim endogjen i lipideve sekondare me infeksione, trauma, temperatura të larta apo reaksione alergjike.
Lipogranulomat e rajonit oro-facial janë pothuajse të rralla por kur shfaqen kanë të bëjnë kryesisht me zonën periorbitale.

Në një studim retrospektiv të publikuar në "Oral Surg Oral Med oral Pathol Oral Radiol" të prillit 2017 janë studiuar dhe analizuar rastet e 6 pacientëve me lipogranuloma oro-faciale të gjeneruara më pas me trajtime estetike. Autorët kanë mbledhur të dhënat demografike të pacientëve, simptomat klinike, pamjet e lezioneve granulomatoze në tomografinë e kompjuterizuar, të dhënat rreth trajtimit të kryer, anamneza e procedurave kozmetike faciale.
Në analizën e pjesës më të madhe të rasteve nyjet nuk kanë dëshmuar një rritje domethënëse dhe kanë rezultuar pa dhimbje. Tomografia e kompjuterizuar ka shfaqur fryrje jo të përcaktuara në jastëkun yndyror bukal me densitet heterogjen. Testet histopatologjike kanë treguar mikrokiste të shumta bosh me dimensione të ndryshme të rrethuar nga limfocite dhe makrofagë të bollshëm shkumues, elemente karakteristike të lipogranulomave. Të gjithë pacientët kanë dëshmuar se kanë kryer një formë trajtimi estetik të fytyrës në muajt e kaluar ose në vitet e kaluar. Injektimi i yndyrës autologe faciale konsiderohet shkaku kryesor i lipogranulomave.

Pas trajtimit estetik të njësisë oro-faciale mund të zhvillohen edhe pas disa muajsh apo vitesh dhe në zona më të largëta nga njësitë e injektimit, efekte anësore të pakëndshme për pacientët, si lipogranulomat. Është e nevojshme që stomatologu që vendos të kryejë trajtimet estetike në pacientë me filler të ketë një njohuri të thelluar të historisë klinike të pacientit dhe të karakteristikave klinike dhe histopatologjike të lipogranulomave që të mund të kryejë një diagnozë definitive dhe të mundësojë një trajtim adekuat.

Nën kujdesin e: Lara Figini, Koordinatore Shkencore Odontoiatria33

Për më tepër:
Lipogranuloma after facial cosmetic procedures Fangfei Zhang, e Yan Chen Oral Surg Oral Med Oral Pathol Oral Radiol april 2017;123:e123-e132)

Përktheu: Erjola Taga