Lidhja midis erozionit dentar dhe refluksit gastroezofageal

Sëmundja e refluksit gastroezofageal (GERD) po bëhet gjithnjë e më e shpeshtë dhe sjell rrjedhjen kronike të përmbajtjes gastrike në ezofag që mund të arrijë deri në kavitetin oral.
Në Amerikë më shumë se 40% e adultëve referon se ka përjetuar eksperienca me simptoma të refluksit gastroezofageal sipas një baze mujore.

Në nivelin oral, refluksi gastroezofageal mund të sjellë shfaqjen e shenjave dhe simptomave si:
- ndjesinë e kruarjes dhe irritimit të mukozës orale
- ndjeshmërinë dentare
- afte
- shije të tharët
- erozion dentar

Shenja e fundit ndeshet më së shumti në sipërfaqet palatale të dhëmbëve.
Në një studim të publikuar në The Journal of Prosthetic Dentistry në Janar 2017 studiohet dhe zbulohet lidhja e ngushtë ndërmjet GERD dhe erozionit dentar.
Në një studim transversal që u krye te pacientët që i referoheshin Departamentit të Stomatologjisë, në Hospital Tong Ren në Pekin u grumbullua historia mjekësore që kishte të bënte me diagnostikimin dhe trajtimin për refluksin gastroezofageal.

Pjesëmarrësit janë ndarë në dy grupe:
Grupi 1: pacientët me sëmundje nga refluksi gastroezofageal (pra me GERD)
Grupi 2: pacientët pa GERD.
Me përjashtim të pacientëve që kishin shkaqe të tjera bashkekzistuese (p.sh. bruksizmi), u analizuan pacientët që mund të caktoheshin në mënyrë të sigurt te dy grupet.
Erozioni dentar është observuar në 31 pjesëmarrës (60,8%) në grupin e sëmundjeve nga refluksi gastroezofageal dhe 14 (28%) e pjesëmarrësve pa GERD, duke qenë të parët që kanë më shumë mundësi të zhvillojnë erozionin dentar në krahasim me individët e shëndetshëm pa GERD. Konsumimi i pijeve me gaz është rezultat i lidhur në mënyrë të konsiderueshme me sëmundjen nga refluksi gastroezofageal dhe si pasojë me erozionin dentar.

Konkluzione
Stomatologu mund të kryejë një rol sekondar në diagnostikimin e refluksit gastroezofageal duke observuar shkallën e erozionit dentar dhe eventualisht, duke drejtuar pacientin te gastroenterologu. Me qëllim që të parandalohen erozionet dentare odonto-stomatologu mund të informojë pacientët për lidhjen e ngushtë midis konsumimit kronik të pijeve të gazuara dhe shfaqjes së GERD.
Parandalimi i erozionit dentar dhe progresionit të tij kalon nëpërmjet ndryshimit të stileve të jetës ushqimore.

Nën kujdesin e: Lara Figini, Koordinatore Shkencore e Odontoiatria33

Bibliografia:
Prevalence of dental erosion among people with gastroesophageal reflux disease in China: Wenhao Li, Jingming Liu, Su Chen,Yao Wang, e Zhenting Zhang, J Prosthet Dent. 2017 Jan;117(1):48-54

Përktheu: Valbona Spahia