Plakja faciale: karakteristikat biologjike dhe klinike, opsionet e trajtimit mjekësor estetik dhe dentar

Plakja është një proces i pashmangshëm që provokon një çekuilibër të homeostazës dhe një vulnerabilitet të organizmit, përveç një reduktimi të funksionimit ndaj stimujve mjedisorë dhe prek qelizat, indet, organet dhe sistemet e trupit.
Literatura për zhvillimin e fytyrës dhe për fazat e ndryshme që çojnë në përkufizimin e karakteristikave morfologjike të fytyrës së të rriturit është e gjerë. Shumë pak kërkime janë të disponueshme për fenomenologjinë e plakjes faciale.
Qëllimi i këtij punimi është që të rishikojë njohuritë aktuale shkencore në lidhje me plakjen e fytyrës në disiplina të ndryshme: anatomi, stomatologji, ortodonci, kirurgji maksilo-faciale, mjekësi estetike dhe aspekte relative psikologjike, me qëllim që të futet një koncept i ri estetik për të përballuar menaxhimin multidisiplinor të plakjes faciale.

Materiale dhe metoda
Është kryer një kërkim i literaturës në PubMed, Embase dhe Google Scholar duke bashkuar fjalën kyçe "plakje e fytyrës" me fjalët vijuese: anatomia faciale, stomatologjia, ortodoncia, kirurgjia maksilo-faciale, mjekësia estetike, psikologjia.
Rezultate
Në këtë rishikim janë përfshirë 114 artikuj.
Proporcioni, harmonia, rregullsia, rikthimi i volumeve, unifomiteti i teksturës së lëkurës dhe ngjyrës, pamja natyrale e indeve të forta dhe të buta janë pikat e fundit të estetikës moderne dhe të procedurave aktuale estetike në termat e plakjes faciale.

Diskutime
Një nga pikat themelore të rezultateve për diskutim është edhe Plakja faciale dhe roli i profesionistëve. Duke qenë se plakja faciale prek të gjitha strukturat e fytyrës, ajo domosdoshmërisht i intereson në mënyrë transversale të gjitha disiplinave mjekësore dhe dentare. Në veçanti profesionistët dentarë (stomatologë, ortodontist, kirurg maksilo-facial) të cilët përfshihen në problematikat interesante që lidhen me plakjen faciale duhet të përballen me një rol thelbësor, qoftë për komponentët mbizotërues të lartpërmendur të këtyre fenomeneve në regjionet anatomike përkatëse, qoftë sepse thërriten që të bashkëpunojnë me profesionistë si dermatologët, kirurgët plastikë, mjekët estetikë të cilët mund të japin një mbështetje të çmuar dhe shumë të kualifikuar.

Artikullin origjinal e gjeni duke klikuar këtu.

Përktheu: Valbona Spahia