Implantologjia do të jetë gjithmonë "më popullore". Parashikimet e blogger-it anglez

Kur në stomatologji flitet për "progres", i referohet vetëm teknologjisë, por ato për të cilat flet blogu "TeethRemoval" janë tendenca më të përgjithshme, që megjithatë sipas kujdestarit të tij do të ndryshojnë në vitet e ardhshme implantologjinë, duke e bërë akoma më popullore nga sa është sot.

Mbi të gjitha, blogger-i anglez kujton se një nga arsyet kryesore që ka ngadalësuar përhapjen e implanteve ka qenë kompleksiteti i procedurës dhe i kohëve të gjata: "para 10 vitesh do të kishte qenë e papranueshme që një implant të kompletohej në më shumë se 9 muaj dhe me të drejtë; por sot kohët janë reduktuar në mënyrë të ndjeshme edhe pse çdo pacient meriton një diskutim më vete, në përgjithësi nuk është më e nevojshme që të presë kaq shumë kohë sepse problemet e tij mund të gjejnë një zgjidhje."

Një faktor tjetër suksesi i implantologjisë, i destinuar për të marrë një rëndësi në rritje, është prirja favorizuese drejt procedurave kozmetike. Nëse më parë ndërhyrjet e kryera vetëm për të përmirësuar aspektin fizik ishin të rezervuara për persona të pasur apo të famshëm, skena ka ndryshuar plotësisht falë edhe afirmimit të kirurgjisë dhe mjekësisë estetike. Edhe personat e zakonshëm sot fillojnë të mendojnë për të pasur të drejtën e një buzëqeshje verbuese dhe dentistët janë tashmë në gjendje të ofrojnë shumë zgjidhje, të pa mendueshme pak kohë më parë, me çmime të përballueshme për një kategori popullsie gjithmonë e më të gjerë.

"Në të shkuarën, - lexohet në blog - procedurat kozmetike futeshin rrallë herë që të bënin pjesë në kurrikulumin e mundësuar nga shkollat e stomatologjisë, ndërsa sot në pothuajse të gjitha rastet dentistët e sapo diplomuar kanë tashmë përgatitjen e duhur për të propozuar këto procedura, duke përfshirë edhe implantet."
Së fundmi, një arsye thelbësore po shtyn në ngritjen e implantologjisë janë vetë sukseset e saj. Disiplina është tashmë e njohur dhe gjerësisht e eksperimentuar dhe përqindja e pacientëve të kënaqur është rritur në mënyrë progresive, deri në arritjen e përqindjeve më të larta se 90% dhe ky sigurisht është një faktor i fuqishëm, publiciteti më i mirë për pothuajse çdo lloj shërbimi të ofruar.

Adelmo Calatroni