Neoplazma e mukozës labiale inferiore

Prezantimi i rastit
Një pacient 60 vjeçar në kushte të mira të shëndetit të përgjithshëm vizitohet pranë Shërbimit të Patologjisë dhe Kirurgjisë Orale në Njësinë Operative të Odontostomatologjisë II të ASST Santi Paolo dhe Carlo në Milano.
Anamneza mjekësore shfaq një hipertension të lehtë arterial dhe një diabet melit të tipit II në kurë respektivisht me telmisartan 20 mg dhe metformin 500 mg.
Pacienti jo duhanpirës ankohet për praninë e një ënjtje jo të dhimbshme me zmadhim të lehtë dhe të vazhdueshëm që korrespondon me anën mukozale të gjysmë buzës inferiore të majtë (fig. 1 dhe 2).
Nuk ka çrregullime në lëkurë, dhimbje apo temperaturë. Prekja nga jashtë dëshmon një fortësi të tipit elastik që korrespondon me zonën e lezionit.
Me prekje nuk dallohen nyje limfatike laterocervikale homolaterale.
Në nivel intraoral vihet re një fryrje sessile me diametër rreth 2 cm, e rrumbullakët, e mbuluar nga mukoza me pamje të njëjtë me atë përreth dhe me ngjyrë rozë në të verdhë. Me prekje konsistenca është elastike dhe lezioni është i lëvizshëm nën dyshemenë e mukozës. Nuk vlerësohen çrregullime të tjera në formë apo ngjyrë të mukozave intraorale.

Fig. 1 Pamja intraorale Fig. 2 Pamja ekstraorale

Diagnoza e konfirmuar nga testi histologjik është fibrolipoma

Diagnoza dhe kura

Në bazë të të dhënave klinike dhe atyre të mundësuara nga pacienti lezioni duket se paraqet karakteristika beninje. Megjithatë është e nevojshme të përftojmë një diagnozë histologjike që të përcaktojë me saktësi natyrën e neoplazmës.
Pacienti pas nënshkrimit të pëlqimit të informuar, lejon trajtimin kirurgjikal. Para se të kryhet ndërhyrja për biopsinë, kryhet një aspirim me age në qendër të ënjtjes nëpërmjet dyshemesë së mukozës që nuk dëshmon praninë e materialit hematik, salivar apo si purulent. Pra është e mundur që të vijojmë me ndërhyrjen, e cila në këtë rast do të jetë një biopsi e tipit eksizional.
Pas infiltrimit perilezional të anestetikut lokal me vazokonstriktor kryhet një incizion në mukozë rreth 1 cm sipër lezionit në mënyrë perpendikulare me kufirin e kuq të buzës. Prerja e indeve në mënyrë rrethore nëpërmjet incizionit primar lejon evidentimin e një mase me ngjyrë të verdhë të ndezur. Është e mundur që të shkëpusim lehtësisht lezionit që shfaqet në mënyrë të qartë elastik, kompakt dhe i shkëputur nga indet rrethuese nga një pseudo kapsulë veshëse (fig.3). Në fund të ndërhyrjes fundi i zonës ku është operuar paraqitet i pastër dhe pa gjak dhe sutura e marzheve të incizionit kryhet nëpërmjet një polifilamenti të riasorbueshëm 5/0.
Diagnoza e konfirmuar nga testi histologjik është fibrolipomë (fig. 4). Bëhet fjalë për një tumor beninj i formuar nga një miks qelizash yndyrore dhe lidhëse dhe është varianti histologjik më i zakonshëm i lipomës. Kjo patologji prek në veçanti gjymtyrët dhe trungun; kur preken më shumë njësi përkufizohet lipomatozë e shumëfishtë. Në nivel intraoral origjina nga qelizat yndyrore dhe lidhëse paraqitet me një ënjtje rozë në të verdhë sessile ose pedunculated. Kryesisht preken mukozat vestibulare dhe dyshemeja orale duke vijuar me gjuhën dhe buzët.

Fig. 3 Izolimi i lezionit Fig. 4 Imazhi histologjik

Diagnoza është e thjeshtë duke konsideruar aspektet klinike të dhimbjes dhe konsistencës, të rritjes së ngadaltë dhe të mungesës së simptomatologjisë. Diagnoza e diferencuar është me lezione vaskulare ose duke u nisur nga indet e pështymës për problematika të llojit bllokues të kanalit ose për shtime të volumit të parenkimës. Aspirimi me age është një metodë e mirë për të dalluar këto patologji.
Trajtimi i sugjeruar në literaturë është heqja e plotë e neoplazmës, ndërhyrje që rezulton në përgjithësi e lehtë falë thjeshtësisë me të cilën është e mundur të ndajmë të gjithë trupin e lezionit nga indet përreth. Përsëritja është shumë e rrallë me përjashtim të lipomave që infiltrojnë muskujt.