Trajtimi i kserostomisë me një kolutor të ri me bazë polisakaridesh: rezultatet e një studimi pilot amerikan

Ndër çrregullimet më të mëdha të gjëndrave të pështymës është kserostomia, zakonisht e lidhur me një gamë të gjerë problematikash orale dhe dentare që mund edhe të ndikojnë në cilësinë e jetës dhe në gjendjen ushqyese të pacientit.
Ndër risqet më të shpeshta që lidhen me kserostominë përfshihen:
• demineralizimi i dhëmbëve
• karies
• hiperndjeshmëri dentare
• infeksione të mukozave
• trauma të mukozave
• reduktimi i shijes
• disfagia
• disfonia
• vështirësi nga ana e pacientit për të mbajtur pajisje dentare të lëvizshme dhe të tjera
Të gjitha këto komplikime që vijnë nga kserostomia kanë një impakt negativ në shëndetin e pacientit.
Trajtimi i kserostomisë simptomatike, ose tharja e gojës, ndryshon me përdorimin nga ana e pacientit të agjentëve lokalë si kolutorët ose spraj me qasje mjekësore dhe kirurgjikale.
Në literaturë janë të pranishme të dhëna të limituara rreth përdorimit të agjentëve lokalë me qëllim rritjen e lagështisë dhe lubrifikimin e mukozës orale. Një studim pilot i publikuar në "Oral Surg Oral Med Oral Pathol Oral Radiol" në janar 2017 heton efektet e trajtimit të kserotomisë me një kolutor inovativ, Moisyn (Synedgen Inc., Claremont, CA), të përbërë nga sorbitol, glicerol, një konservues dhe humektant (betaina) dhe një sistem polisakarid derivuar nga kitozani me patentë dhe që nga provat laboratorike nuk ka treguar toksicitet qelizor oral, pra konsiderohet jo citotoksik, mukoadeziv, jo irritues dhe nuk rrit ndjeshmërinë.

Në këtë studim pilot janë seleksionuar 57 pacientë të prekur nga kserostomia. Pacientët kanë raportuar simptomat e tyre orale dhe sistemike, para dhe pas përdorimit për 1 javë të Moisyn me shpëlarje dhe spraj.
Autorët kanë vlerësuar më pas prodhimin e pështymës në qetësi dhe të stimuluar nga përtypja.
Rezultatet e përftuara nga studimi janë si më poshtë: pjesa më e madhe e pacientëve ka raportuar lehtësim nga simptomat e thatësisë orale dhe përmirësime në konsistencën e pështymës (respektivisht 81,7% dhe 76,0%) që në 30 minutat e para pas përdorimit të produktit, dhimbja në mukozat orale është zvogëluar dhe ka pasur përmirësim të shijes. Prodhimi i pështymës jo i stimuluar në qetësi, është përmirësuar me 100% dhe ajo e stimuluar është përmirësuar me 23,8%.

Nën kujdesin e: Lara Figini, Koordinatore Shkencore Odontoiatria33

Për më tepër:
Management of dry mouth: assessment of oral symptoms after use of a polysaccharide-based oral rinse. Joel B. Epstein, Dana C. Villines, MA,Mabi Singh, e Athena Papas. Oral Surg Oral Med Oral Pathol Oral Radiol gennaio 2017;123:76-83