Përdorimi i self-etch në trajtimin e hiperndjeshmërisë dentinale

Objektiva

Qëllimi i këtij studimi është analizimi në mënyrë klinike i materialeve që përdoren sot për menaxhimin e kontrollit të hiperndjeshmërisë dentinale në vijim të manovrave të higjienës orale dhe/ose ndërhyrjeve parodontale.

Materiale dhe Metoda

Kërkimi aktual është kryer në 33 pacientë të prekur nga hiperndjeshmëria dentinale specifike dhe e lokalizuar. Ndjeshmëria është vlerësuar në raport me stimujt termik (duke ekspozuar elementin dentar, për 3-4 sekonda, ndaj një sprucimi me ajër në distancë 1 cm nga sipërfaqja e dhëmbit) dhe mekanikë. Shkalla e ndjeshmërisë është vlerësuar nëpërmjet një shkalle gjysmë sasiore subjektive (0 = asnjë reagim, 1 = bezdi e lehtë pa dhimbje, 2 = dhimbje e moderuar e lidhur me stimulin, 3 = dhimbje e rëndë, e fortë, e papritur dhe e vazhdueshme edhe pas largimit të stimulit) dhe është regjistruar para trajtimit që i bën dhëmbët më pak të ndjeshëm (t0), menjëherë pas trajtimit (t1) dhe pas një kontrolli pas 4 javësh (t2) për të analizuar qëndrueshmërinë e rezultateve në kohë.

Rezultate

Analiza statistikore e të dhënave dëshmon se në fillim pacientët paraqisnin një vlerë mesatare ndjeshmërie të barabartë me 2,27 ± 0,62, me një avancim frontal në rënie në t1 (0,515 ± 0,70) e konfirmuar në thelb i qëndrueshëm t2 (0,575 ± 0,77).

Konkluzione

Të dhënat e këtij kërkimi dëshmojnë se trajtimi i hiperndjeshmërisë dentinale me një adeziv self-etch, duke limituar lëvizshmërinë e lëngut të tubthave, redukton ndjeshëm algjinë e nxitur nga veprimi termik dhe mekanik. Në arritjen e rezultatit kontribuojnë veprimi i limituar acid demineralizues në dentinë dhe heqja parciale e shtresës së njollosur dentinale.
Rezultatet klinike mbahen dhe në distancë prej 4 javësh. Ndonëse kjo kohë nuk është e mjaftueshme për të afirmuar që materiali ka pasur efikasitet stabël afatgjatë, rezultatet e para duken inkurajuese. Siç është sugjeruar nga Miglani et al. [20] dhe Low et al. [21], arritja jo e plotë e simptomatologjisë në disa dhëmbë të individëve të trajtuar mund të lidhet, për më tepër me mundësinë e pranisë së mekanizmave të tjerë anatomiko-fiziologjikë që kontribuojnë në shfaqjen jokarakteristike të fenomenit të hiperndjeshmërisë dentinale dhe megjithatë që varen dhe që lidhen me hapjen e tubthave dentinal, si kushtet anatomike të inervimit të shumtë dentinal, uljes së kufirit të dhimbjes dhe kushtet inflamatore pulpore.
Produkti i testuar paraqitet me mungesë kundërindikimesh dhe i tolerueshëm mjaft mirë; në fakt nuk janë vërejtur fenomene të intolerancës në krahasim me substancat e përdorura.

Artikullin origjinal e gjeni duke klikuar këtu.

Përktheu: Erjola Taga