Raporti midis aktivitetit anti-kariogjen të pastave të dhëmbëve me fluor, kohës së larjes me furçë dhe sasisë së pastës së përdorur

Është vërtetuar gjerësisht se të lash rregullisht dhëmbët me furçë me një pastë dhëmbësh që përmban fluor, redukton fillimin e kariesit dentar [Marinho V. 2003]. Mekanizmi i saj i veprimit është të paktën i dyfishtë:
Në radhë të parë fluori mund të reduktojë demineralizimin duke u lidhur në sipërfaqen e smaltit e cila e fluorizuar rezulton të jetë më pak e tretshme në acide krahasuar me smaltin që nga lindja; së dyti, mund të nxisë rimineralizimin e smaltit tashmë pjesërisht të demineralizuar. Fluori mund të përcillet në kavitetin oral nëpërmjet pastës së dhëmbëve me përqendrime të larta, vetëm gjatë periudhave të shkurtra të larjes me furçë. Gjithashtu ka dhe dëshmi shkencore që tregojnë se fluori mbahet mënjanë edhe nga indet e buta orale dhe në pllakën bakteriale, të cilët veprojnë si enë mbajtëse duke e çliruar lehtësisht fluorin në kavitetin oral edhe pas disa orëve nga larja me furçë, duke shtuar efektin e tij mbrojtës në smalt (Duckworth R. 1991).

Por sa mund të influencojë sasia e përdorur e pastës së dhëmbëve dhe koha e larjes me furçë aktivitetet përfituese të fluorit për smaltin dentar?
Në të vërtetë në literaturë nuk ka shumë studime që kanë hetuar këto aspekte. Një studim klinik i çfarëdoshëm i kohëve të fundit i publikuar në "Journal of Dentistry", dhjetor 2016 shqyrton këtë argument, duke analizuar ndikimin që sasia e pastës së dhëmbëve dhe koha e larjes me furçë kanë mbi:
- Rimineralizimin e smaltit, duke matur rikuperimin e mikro fortësisë sipërfaqësore (SMHR)
- Absorbimin e fluorit nga ana e smaltit (EFU) dhe
- Rezistencën e smaltit ndaj acideve post rimineralizimit (NAR)
Autorët kanë marrë në konsideratë 63 individë që mbanin proteza parciale me sipërfaqe të smaltit të demineralizuar nga kontakti.

Pacientët duhet të lanin dhëmbët me furçë dy herë në ditë për dy javë duke ndjekur një nga protokollet e mëposhtëm:
- Larja e dhëmbëve me furçë për 120 sekonda me 1,5 g pastë dhëmbësh 1150 ppm F (si NaF)
- Larja e dhëmbëve me furçë për 45 sekonda me 1,5 g pastë dhëmbësh 1150 ppm F (si NaF)
- Larja e dhëmbëve me furçë për 120 sekonda me 0,5 g të kësaj paste dhëmbësh
- Larja e dhëmbëve me furçë për 45 sekonda me 0,5 g të kësaj paste dhe
- Larja e dhëmbëve me furçë për 120 sekonda me 1,5 g 250 ppm (NaF) pastë dhëmbësh.
Rezultatet e përftuara nga autorët janë si vijon:
Duke krahasuar larjen me furçë për 120 sekonda kundrejt asaj për 45 sekonda, SMHR dhe EFU janë rritur respektivisht me 20,0% dhe 26,9% kur është përdorur 1,5 g pastë dhëmbësh dhe respektivisht me 22,8% dhe 19,9% kur është përdorur 0,5 g pastë dhëmbësh.
Duke krahasuar larjen me furçë me 1,5 g kundrejt asaj me 0,5 g pastë dhëmbësh, SMHR dhe EFU janë rritur respektivisht me 35,3% dhe me 51,3% duke i larë dhëmbët për 120 sekonda dhe respektivisht me 38,4% dhe 43,0% duke i larë dhëmbët për 45 sekonda. Gjithashtu është vënë re se duke rritur kohën e larjes me furçë dhe sasinë e pastës së dhëmbëve rritej dhe vlera e NAR.

Në bazë të këtij studimi mund të afirmohet se kohëzgjatja e kohës së larjes me furçë dhe sasia e pastës së dhëmbëve janë në gjendje të influencojnë në mënyrë domethënëse efikasitetin anti-kariogjen të pastave të dhëmbëve me fluor.

Nën kujdesin e: Lara Figini, Koordinatore Shkencore Odontoiatria33.

Bibliografia:
V.C.C. Marinho, J.P.T. Higgins, S. Logan, A. Sheiham, Fluoride toothpastes for preventing dental caries in children and adolescents, Cochrane Database Syst. Rev. (Issue 1) (2003)
CD002278.

R.M. Duckworth, S.N. Morgan, Oral fluoride retention after use of fluoride dentifrices, Caries Res. 25 (1991) 123-129.
Effect of toothbrushing duration and dentifrice quantity on enamel remineralisation: An in situ randomized clinical trial: J.E. Creeth, S.A. Kelly, C. González-Cabezasb, R. Karëal, E.A. Martinez-Mier, R.J.M. Lyncha, M.L. Bosmaa, D.T. Zero Journal of Dentistry 55 (2016) 61-67

Përktheu: Erjola Taga