Kontrolli glicemik te pacientët diabetikë dhe implantet dentare. Një kërkim ka siguruar indikacionet

Prej kohësh komuniteti shkencor po pyet nëqoftëse diabeti nuk kontrollohet mirë a sjell një probabilitet më të madh të dështimit të implanteve? Një metanalizë e kohëve të fundit, e kryer nga studiues kinezë dhe e publikuar në Journal of the American Dentist Association, ka siguruar indikacione të favorshme, edhe pse nuk kanë thënë fjalën e tyre të fundit mbi këtë çështje shumë të diskutuar, eventualisht për mangësinë e studimeve me cilësi të mirë mbi këtë argument.

Pacientët me diabet i humbasin dhëmbët më shpesh dhe përveç implikacioneve estetike dhe psikologjike, sjell përkeqësimin e funksionit mastikator, i cili influencon në marrjen e saktë të ushqimeve, që është aq thelbësore për kontrollin glicemik.
Prej kohësh mjekët besojnë që diabeti duhet të marrë më shumë vëmendje ku bëhet fjalë për vendosjen e implanteve dentare, sepse osteointegrimi është një parakusht për suksesin e implantit dhe është vënë re që diabeti ka një ndikim negativ në formimin dhe rimodelimin kockor. Megjithatë provat shkencore tregojnë që përqindjet e suksesit të implanteve te pacientët me diabet të kontrolluar mirë janë të ngjashme me ato që arrihen në popullsinë e përgjithshme.

Kërkuesit kinezë kanë përshtatur një prespektivë të ndryshme dhe për herë të parë kanë krahasuar dështimet e implanteve tek individët diabetikë me ose pa kontrollin glicemik. Kërkimi në literaturë ka sjellë identifikimin e 7 studimeve që kanë ekzaminuar një total prej 252 pacientësh dhe 587 implante. Norma totale e dështimit te pacientët me diabet të pa kontrolluar mirë ishte 5,32%, më e lartë në krahasim me 3,15% që ishte tek individët që kishin një kontroll të mirë glicemik. Por një analizë statistikore më e thelluar nuk ka treguar një risk më të madh te pacientët e parë në krahasim me të tjerët duke sugjeruar që, në gjendjen aktuale të njohurive tona, nuk ekziston një kundëindikacion me implantologjinë te pacientët diabetikë, edhe nëse kontrolli glicemik nuk është optimal. Megjithatë autorët rekomandojnë një vëmendje të veçantë, edhe duke marrë në konsideratë kohët e zgjatura të shërimit, që janë konfirmuar edhe në këtë metanalizë.

Adelmo Calatroni

Për më shumë: Shi Q, Xu J, Huo N, Cai C, Liu H. Does a higher glycemic level lead to a higher rate of dental implant failure?: A meta-analysis. J Am Dent Assoc. 2016 Nov;147(11):875-881.

Përktheu: Valbona Spahia