Më mirë ta kurosh dhëmbin apo ta zëvendësosh me një implant? Një studim ka hetuar zgjidhjen më të mirë kosto-përfitim

Nga pikëpamja e raportit kosto-përfitim janë më të mirë implantet e veçuara apo protezat fikse? Charles J. Goodcare dhe W. Patrick Naylor të Universitetit Loma Linda, në Kaliforni, kanë kërkuar t'i përgjigjen pyetjes nëpërmjet analizës së studimeve të publikuara në literaturë.

Nuk kanë trajtuar siguri absolute, por indikacione të dobishme: "Janë të nevojshme prova të tjera shkencore" - shkruajnë - " për të formuluar një përfundim definitiv; sidoqoftë nga publikimet e disponueshme, implantet e veçanta duken, me kalimin e kohës, më me leverdi në krahasim me protezat fikse." Por është konfirmuar që të tentosh të shpëtosh dhëmbin nëpërmjet terapisë endo-parodontale është sidoqoftë mënyrë më e mirë në krahasim me ekstraksionin e dhëmbit me riaftësimin pasues me implant të veçantë.

Zgjedhja që t'i drejtohesh implantologjisë për të zëvendësuar dhëmbët që mungojnë është gjithnjë e më e shpeshtë: disa vite më parë, një artikull i publikuar në JADA, gazeta e Shoqërisë Amerikane të Dentistrisë, ka analizuar tendencat në trajtimet dentare nga 1992 deri në 2007, duke risjellë një rënie progresive në protezat fikse (dhe në përgjithësi, të të gjitha procedurave stomatologjike) në favor të implanteve.

Duke analizuar kostot dhe efikasitetin, Goodcare dhe Nylor sjellin mungesën e provave përfundimtare dhe citojnë dy rishikime sistematike mbi të njëjtin argument, me krahasime afatgjata, që janë shtuar në përfundime të ndryshme: njëri ka treguar një avantazh për implantet në krahasim me protezat fikse, por rishikimi tjetër më i fundit ka zbuluar një raport midis kostos dhe efikasitetit të ngjashëm për dy zgjidhjet e analizuara. Pas këtyre dy rishikimeve janë publikuar studime të reja, por nuk kanë bërë tjetër gjë veç rritjes së pasigurive: njëri ka dokumentuar një efikasitet më të madh për implantet, por tjetri ka llogaritur një kosto më të lartë aq sa i këshillonte implantologëve të reduktonin tarifat me 20%, për të garantuar një raport konkurrues kosto-efikasitet.
Në këmbim, ashtu siç thuhej, ka më shumë siguri në promovimin, kur është e mundur, të ruajtjes së dhëmbit nëpërmjet terapisë endo-parodontale: në këtë rast raporti kosto - efikasitet është rezultat pesë herë më i mirë në krahasim me ekstraksionin që ndiqet nga pozicionimi i një implanti.

Adelmo Calatroni

Bibliografia:
(1) Goodacre CJ, Naylor WP. Single implant and crown versus fixed partial denture: A cost-benefit, patient-centred analysis. Eur J Oral Implantol. 2016;9(2):59-68.
(2) Eklund SA. Trends in dental treatment, 1992 to 2007. J Am Dent Assoc. 2010 Apr;141(4):391-9

Përktheu: Valbona Spahia